Almaty qalasynyń Óńirlik komýnıkasıalar qyzmetiniń brıfıńine Almaty qalasy boıynsha Memlekettik kirister departamentiniń QQS ákimshilendirý bóliminiń basshysy Serik Jumabekov qatysyp, salyqtyq baqylaý men talap-aryz jumysyn júrgizýdiń nysandary men ádisterin túsindirdi.
Salyq kodeksiniń tujyrymdamalyq bóligine júginetin bolsaq, onda salyqtyq ákimshilendirý – bul salyqtar men búdjetke tólenetin tólemderdi alý úshin salyq organdary men basqa da ýákiletti memlekettik organdar júzege asyratyn sharalar men ádisterdiń júıesi (jıyntyǵy), oǵan basqalarmen qatar, salyqtyq baqylaýdy júzege asyrý, oryndalmaǵan salyq mindettemelerin májbúrlep oryndatý ádisterin qoldaný jáne salyq bereshegin óndirip alý sharalary, sondaı-aq memlekettik qyzmetterdi kórsetý jáne salyqtyq ákimshilendirýdiń basqa da nysandary kiredi, dep habarlaıdy Almaty-akshamy.kz.
Bul rette salyqtyq ákimshilendirý úsh qaǵıdatqa negizdeledi:
1) zańdylyq;
2) salyq tóleýshi men salyq organdary arasyndaǵy ózara is-qımyldyń tıimdiligin arttyrý;
3) táýekelderdi baǵalaýǵa negizdelgen salyqtyq ákimshilendirýdi júzege asyrý kezindegi saralanǵan tásil.
«Óz kezeginde salyqtyq baqylaý – bul salyq organdaryna júktelgen Qazaqstan Respýblıkasynyń salyq zańnamasynyń, ózge de zańnamalarynyń normalarynyń oryndalýyn júzege asyratyn baqylaý bolyp tabylady», - dedi S.Jumabekov.
Salyqtyq baqylaý salyqtyq tekserý nysanynda jáne memlekettik baqylaýdyń ózge de nysandarynda júzege asyrylady.
Memlekettik baqylaýdyń ózge de nysandaryna:
1) salyq tóleýshilerdi salyq organdarynda tirkeý;
2) salyq nysandaryn qabyldaý;
3) kameraldyq baqylaý;
4) salyq monıtorıńi;
5) salyqtyq tekserý;
6) etıl spırtin óndirýdi júzege asyratyn uıymdarda etıl spırtin esepke alýdy baqylaý;
7) taýarlar aınalymynyń qadaǵalanýy.
«Joǵaryda keltirilgen uǵymdardan kórinip turǵandaı, salyqtyq baqylaý salyqtyq ákimshilendirýdiń bóligi bolyp tabylady jáne sáıkesinshe salyqtyq baqylaý sheńberinde alynǵan nátıjeler men málimetter salyqtyq ákimshilendirýdi júrgizý úshin qoldanylady», - dep túsindirdi spıker.
Ol sondaı-aq shaǵymdardyń eń kóp sany memlekettik kirister organdaryna salyqtyq baqylaý nysandary boıynsha kameraldyq baqylaý, salyqtyq tekserý, salyq tóleýshilerdi salyq organdarynda tirkeý, sondaı-aq talap-aryz jumysy retinde túsetinin atap ótti.
Kameraldy baqylaý – salyqtyq baqylaýdyń eń keń taraǵan túri, onyń negizgi maqsaty salyq tóleýshige buzýshylyqty óz betimen joıý múmkindigin berý bolyp tabylady.
Salyqtyq baqylaýdyń kelesi túri - salyqtyq tekserý. Salyqtyq tekserýdi júrgizýdiń negizderi men nysany Salyq kodeksiniń 70-babymen reglamenttelgen. Osy bapta belgilengendeı, salyqtyq tekserý tirkeý derekterinde kórsetilgen zańdy mekenjaı boıynsha júrgiziledi.
«Búgingi kúni elektrondyq tirkeýdi jáne qaıta tirkeýdi júrgizý múmkindigine baılanysty meken-jaıy durys kórsetilmegen nemese tolyq emes málimetterdi qamtyǵan jaǵdaılar jıilep ketti, osyǵan baılanysty salyqtyq tekserýdi júrgizý nátıjeleri boıynsha bolmaý belgilenedi jáne salyq tóleýshiniń atyna habarlama jiberiledi», - dedi ol.
Talap-aryz jumysy - bul Qazaqstan Respýblıkasynyń ekonomıkalyq qaýipsizdigin qamtamasyz etý jónindegi mindettemelerdi oryndaý maqsatynda júrgiziletin memlekettik kirister organdarynyń beıindik qyzmeti emes. Bul jumysty júrgizý quqyǵy Salyq kodeksiniń 19-babynyń 10-tarmaǵynda belgilengen.
«Bul rásimderdi salyq organy daýly quqyqtyq qatynastar taraptarynyń teńdigi bolyp tabylatyn aıryqsha ereksheligi bolyp tabylatyn azamattyq is júrgizý zańnamasynda kózdelgen tártippen júzege asyrady.Sonymen qatar, salyq tóleýshilerdi sot talqylaýy orbıtasyna negizsiz tartýǵa jol bermeý maqsatynda Almaty qalasy boıynsha Departament kelisim komısıasynyń otyrystaryn ótkizedi, onyń músheleriniń biri "Atameken" kásipkerler palatasynyń ókili bolyp tabylady, onyń jumysy daýdy sotqa deıin retteý jáne talap aryzdyń dáleldi bazasyn zertteý bolyp tabylady», - dep túsindirdi spıker.
Osy komısıa otyrysynyń nátıjeleri boıynsha talap qoıý baǵytynda nemese pysyqtaýǵa jiberý týraly sheshim shyǵarylady. Bul sheshimge ÁRPK sheńberinde shaǵymdar jıi beriled