Ol jelide páterdi jalǵa berý týraly jalǵan habarlandyrý taratqan shymkenttik azamat bolyp shyqty.
Qylmystyq áreketpen Shymkent qalasynyń turǵyny, 25 jastaǵy T.esimdi azamat aınalysqan. Jas jigit aqparattyq ınternet resýrstardy paıdalana otyryp, turǵyn úıdi jalǵa berý týraly jalǵan habarlandyrýlar jarıalaǵan, dep habarlaıdy Almaty-akshamy.kz Polisia.kz-ke silteme jasap.
«Shyn máninde kúdiktide jyljymaıtyn múlik bolmaǵan, ol rıeltorlyq qyzmetpen aınalyspaıdy. Tergeýdiń osy kezeńinde onyń osyǵan uqsas 15 epızodqa qatysy bar ekeni anyqtaldy. Kúdikti ustalyp, qamaýǵa alyndy. Biz onyń basqa da qylmystarǵa qatysy bar bolýy múmkin ekendigin joqqa shyǵarmaımyz. Osyǵan oraı, bul adamnyń áreketinen zardap shekken azamattardy myna telefondar arqyly habarlasýyn suraımyz: 8-705-555-77-63; 8-778-591-91-35», – dedi Almaly aýdandyq polısıa basqarmasynyń bastyǵy Oljas Sháripov.
QR QK-niń 201-babyna sáıkes, ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.