2024 jyldan bastap Ulttyq qordyń jyldyq ınvestısıalyq tabysynyń teń jartysy 18-ge tolmaǵan qazaqstandyqtardyń jeke shottaryna aýdarylyp otyrady. QR Prezıdenti Qasym-Jomart Toqaev Qazaqstan halqyna Joldaýynda osyndaı tapsyrma berdi, dep habarlaıdy Almaty-akshamy.kz.
«Ár otbasy eldiń ulttyq baılyqtaryn paıdalanýdan naqty ıgilik kórýi kerek. Sondyqtan men jarıalaǵan Balalar jylynda «Ulttyq qor – balalarǵa» atty túbegeıli jańa baǵdarlamany bastaý kerek dep esepteımin. Ulttyq qordyń jyldyq ınvestısıalyq kirisiniń 50%-in balalardyń jasy 18-ge tolǵanǵa deıin jeke shottaryna merziminen buryn sheship alý quqyǵynsyz aýdaryp otyrýdy usynamyn», - dedi Memleket basshysy.
Sondaı-aq, Prezıdent bul qarajatty 18-ge tolǵan azamattar qalaı jumsaı alatynyn da aıtyp ótti.
«Kámeleket tolǵannan keıin jınaqtalǵan soma baspana men bilim alýǵa jumsalady. Bul qarajat óskeleń urpaqqa eresek ómirge naǵyz joldama beredi. Qor da shyn máninde ulttyq mártebesine saı bola túsedi jáne halyqtyń múddesine jumys isteıdi. Bul aýqymdy bastamany pysyqtaý úshin jańa jobany 2024 jyldyń 1 qańtarynan bastap iske qosýdy tapsyramyn», - dedi Prezıdent.