Saılaý ýchaskelerinde daýys berýshilerge barlyq jaǵdaı jasalýy tıis.
Sondyqtan jer-jerde oqytý jumystary qyzý júrip jatyr. Almatyda da Ortalyq saılaý komısıasynyń músheleri bólimshelerdiń materıaldyq-tehnıkalyq jabdyqtalýyn tekserip, jergilikti komısıa múshelerimen kezdesti, dep habarlaıdy Almaty-akshamy.kz.
Semınar barysynda saılaý zańyna engizilgen zań tetikteri de tanystyryldy. Sondaı-aq josparǵa sáıkes atqarylyp jatqan jumystardyń esebi tyńdaldy. Aıta keteıik, megapolıste 1 mln 200 myńǵa jýyq adam daýys bere alady. 600 saılaý ýchaskesi jumys isteıdi. Olardyń 59-y jabyq mekemelerde ornalasqan.
«Biz búgin jergilikti atqarýshy organdarmen birlese aldaǵy saılaýǵa daıyndyq barysyn pysyqtap jatyrmyz. Saıası naýqanǵa kelýshilerge barynsha jaǵdaı jasalýy kerek. Ásirese qart adamdardyń, múmkindigi shekteýli jandardyń daýys berýine esh kedergi bolmaýy tıis», - dedi QR Ortalyq saılaý komısıasy tóraǵasynyń orynbasary Konstantın Petrov.