Senatta 3 jyldyq búdjetke enetin túzetýler talqylandy.
Onyń ishinde «Respýblıkalyq jáne oblystyq búdjetter, respýblıkalyq mańyzy bar qalalardyń, astananyń 2023-2025 jyldarǵa arnalǵan búdjetteri arasyndaǵy jalpy sıpattaǵy transfertterdiń kólemi týraly» zań jobasy bar, dep habarlaıdy Almaty-akshamy.kz.
Boljam boıynsha óńirlerdiń kiristeri 2025 jyly 6,1 trln teńgege deıin, nemese 30 paıyzǵa artyp, 2025 jylǵa ózindik kirister úlesi 47 paıyzǵa deıin óspek. Zań jobasyn talqylaý barysynda eń aldymen, qazirgi kezdegi búdjetaralyq qoldanystaǵy ádistemeni jetildirý máselesi aıtyldy. Óıtkeni óńirlerdiń áleýmettik-ekonomıkalyq parametrlerinde alshaqtyq bar. Senat otyrysyna Úkimet basshysy Álıhan Smaıylov ta qatysyp, óndiris kólemin ulǵaıtý jáne ımportty almastyrý boıynsha júrgizilip jatqan jumystar jaıly baıandady.
Jalpy somasy 25 trıllıon teńgeni quraıtyn 730-ǵa jýyq jobany júzege asyrý josparlanyp otyrǵanyn, onyń ishinde 440 joba ımportty almastyrýǵa baǵyttalǵanyn aıtty. Budan keıin óńirlerge qarjylyq derbestik berý, búdjettik prosesterdiń ashyqtyǵyn qamtamasyz etý jáne óńir basshylarynyń qarjylyq máselelerdegi jaýapkershiligin arttyrý maqsatynda qoldanystaǵy salyq jáne búdjet zańnamasyna ózgerister engizý jaıy talqylandy. Osyǵan qatysty depýtattardan birneshe usynys túsip, zań jobasy ózgerister engizý úshin qaıtadan Májiliske jiberildi.