«Medeý» muz aıdynynda ótken saltanatty rásimge Almaty qalasynyń ákimi Darhan Satybaldy, qoǵam jáne mádenıet qaıratkerleri, máslıhat depýtattary, Qoǵamdyq keńes músheleri, úkimettik emes jáne jastar uıymdarynyń ókilderi, tanymal sportshylar, sondaı-aq qala turǵyndary men qonaqtary qatysty, - dep habarlaıdy Aqshamnews.kz.
Kók baıraqty kóterý rásiminde dástúr boıynsha áskerı-orkestrdiń súıemeldeýimen Memlekettik Ánuran shyrqaldy. Tý ilingen tuǵyrdyń bıiktigi – 40 metr, al kólemi – 7x14 metr.
Eske sala keteıik, Respýblıka kúni qarsańynda qala ákimi Darhan Satybaldy Qazaqstan Prezıdenti Qasym-Jomart Toqaevtyń atynan memlekettik nagradalardy tabystady. Marapattalǵandar qatarynda eldiń áleýmettik-ekonomıkalyq jáne mádenı damýyna eleýli úles qosqan almatylyqtar bar. Sondaı-aq, Respýblıka saraıynda merekelik konsert ótti.
Búgin Almatyda túrli is-sharalar ótip jatyr. Respýblıka saraıynyń aldynda «Atameken» atty patrıottyq aksıa, Jibek joly kóshesinde qolónershiler men sýretshiler jármeńkesi, ekologıalyq bastamalar jáne ózge de mádenı is-sharalar uıymdastyrylǵan.
Buǵan qosa, saǵat 18:00-de Respýblıka kúnine oraı «Kóktóbe» telemunarasy merekelik sáýlettik jaryqpen kómkeriledi.