Prezıdentke vedomstvonyń jyl basynan beri atqarǵan jumysynyń negizgi nátıjeleri men aldaǵy kezeńge arnalǵan mindetteri jóninde esep berildi, - dep habarlaıdy Aqshamnews.kz
Ermek Saǵymbaevtyń aıtýynsha, ulttyq qaýipsizdik organdary ekstremızm men terorızmge qatysy bar 67 adamdy ustaǵan. Radıkaldyq aǵymdy ustanatyn 83 adam sottaldy. İshki ister mınıstrligimen birlese qabyldanǵan sharalar nátıjesinde 17 qylmystyq top quryqtalyp, olardyń 244 múshesi ustaldy. 96 adam qamaýǵa alyndy. Zańsyz aınalymnan 453 qarý, 64 granata, alty myńǵa jýyq oq-dári tárkilendi. 16 esirtki zerthanasy, 25 halyqaralyq jáne 19 óńirlik esirtki tasymaldaý arnasy joıyldy. Jıyrma tonnaǵa jýyq esirtki zattary, sonyń ishinde 13 tonna kolýmbıalyq kokaın men 10 tonna prekýrsor aınalymnan alyndy. Ekonomıkalyq qaýipsizdikti qamtamasyz etý jáne jemqorlyqqa qarsy kúres aıasynda memleketke 3,8 trıllıon teńge kóleminde zalal keltirilmedi. Búdjetke 255 mıllıard teńge óteldi. Korrýpsıa faktisi boıynsha 91 qylmystyq is qozǵaldy. Kezdesý sońynda Prezıdent ulttyq qaýipsizdik organdarynyń qyzmetine qatysty birqatar tapsyrma berdi.