Almatyda Respýblıka kúnin merekeleýge arnalǵan birqatar mádenı is-sharalar josparlanǵan. Olardyń qatarynda konsertter, spektáklder, kórmeler, halyqaralyq festıvál, qaıyrymdylyq qoıylymdary jáne múmkindigi shekteýli balalarǵa arnalǵan ıppoterapıa bar, dep habarlaıdy aqshamnews.kz
Respýblıka kúnin merekeleý kezeńinde 21-24 qazan aralyǵynda memlekettik qýyrshaq teatrynda (Pýshkın kóshesi, 63) «ALMATY PUPPET FESTIVAL» II Halyqaralyq qýyrshaq teatrlarynyń festıvali ótedi. Qazaqstan, Qytaı, Polsha, Chehıa, Bolgarıa, Grýzıa, Túrkıa, Ázirbaıjan, Ózbekstan jáne Reseıden kelgen ártister kórermenderge úzdik qýyrshaq spektáklderin usynady. 21 qazan kúni saǵat 18:00-de Abaı atyndaǵy Qazaq ulttyq pedagogıkalyq ýnıversıtetinde (Dostyq dańǵyly, 13) «Jańa Ǵasyr» teatry «Sońǵy qońyraý» qoıylymyn usynady.
22 qazan kúni saǵat 16:00 – de «Alataý» dástúrli óner teatrynda Respýblıka kúnine arnalǵan «Atameken-aıbynym» atty merekelik konsert ótedi. Sahnada QR Mádenıet qaıratkeri, dástúrli ánderdi oryndaýshy Alma Amanjolova, estrada ánshisi Maral Anarbek, ánshi Sandýǵash Stamǵazıeva jáne t. b. óner kórsetedi. sol kúni saǵat 18:00-de QR Jas sýretshiler odaǵynyń músheleri «Saǵyndyrǵan áýender aı» kórmesinde ózderiniń kartınalaryn, grafıkalyq jáne akvareldik jumystaryn, músinderin, sándik-qoldanbaly óner buıymdaryn usynady, ol Almaty Gallery - de ótedi (Dostyq, 44). Onda kameralyq orkestrdiń ártisteri ataqty klasıkterdiń áıgili klasıklyq ánderin oryndaıdy. Orkestrmen birge QR eńbek sińirgen qaıratkeri, Ózbekstannyń eńbek sińirgen ártisi, opera ánshisi Djamılá Baspakova, sondaı-aq halyqaralyq konkýrstardyń laýreattary Oleg Tatamırov, Damır Sádýaqasov jáne Dıana Samykenova án shyrqaıdy.
23 qazan kúni saǵat 12:00-de Yqylas atyndaǵy ulttyq mýzykalyq aspaptar murajaıynda kameralyq orkestrdiń qatysýymen «Aq jaýyn» konsertin ótedi. Osy ýaqytta Qazaq memlekettik sırkinde «Pildegi jolbarys» qaıyrymdylyq shoýy ótedi. Sırk qoıylymyna az qamtylǵan jáne kópbalaly otbasylardan shyqqan 1700 bala, sondaı-aq qala turǵyndarynyń mobıldiligi tómen toptary shaqyryldy. Manejde áýe gımnasttary, akrobattar, ekvılıbrıser, klonýdar, sondaı-aq úıretilgen pilder, golandıalyq frızder jáne astrahan túıeleri óner kórsetedi.
Negizgi saltanatty konsert 23 qazan kúni saǵat 15:00-de Respýblıka saraıynda ótedi. İs-sharaǵa aty ańyzǵa aınalǵan «Dos-Muqasan» ansambli, A'Studio tobynyń negizin qalaýshy, prodúser jáne kompozıtor Baıǵalı Serkebaev, Qazaqstan Respýblıkasynyń eńbek sińirgen qaıratkeri, «Daryn» Memlekettik syılyǵynyń laýreaty, belgili dombyrashy-kúıshi Asylbek Eńsepov jáne basqa da ártister qatysady. Sol kúni keshke Gogol men Panfılov kósheleriniń qıylysyndaǵy metropolıten aldyndaǵy ashyq alańda qalanyń bı komandalary arasyndaǵy patrıottyq elementteri bar Almaty Street Battle kórmesi ótedi.
24 qazan kúni saǵat 10:00 – den bastap Almaty mýzeıinde «Tarıhı derek-eldigimniń bastaýy» kórmesi jumys isteıdi. Saǵat 11:00-de Qazmemsırktiń levadasynda múmkindigi shekteýli balalarǵa arnalǵan ıppoterapıa-qaıyrymdylyq aksıasy uıymdastyrylady. Saǵat 15:00-de Qazybek bı kóshesinen Abaı dańǵylyna deıin Dostyq dańǵylynda Qazaqstannyń memlekettik týlaryn kóteretin jas qazaqstandyqtardyń qatysýymen patrıottar sherýi ótedi. Merekelik kolonna sherýi Respýblıka Saraıynyń aldynda Ánurandy oryndaýmen aıaqtalady.
Respýblıka kúni, 25 qazan kúni saǵat 11:00-de «Medeý» BSK-da memlekettik týdy kóterý jáne Qazaqstan Gımnin jappaı oryndaý saltanatty rásimi ótedi. İs-sharaǵa qala jastary, qoǵam qaıratkerleri, Almaty máslıhatynyń depýtattary jáne Qazaqstan halqy Assambleıasynyń ókilderi qatysady. Sol kúni saǵat 11:00-de Nurǵısa Tilendıev memorıaldyq murajaıynda «Óz elim» merekelik is-sharasy ótedi.
Sondaı-aq, merekelik is-sharalar qalanyń barlyq aýdandarynda ótedi:
- Bostandyq aýdanynda 22 qazan kúni saǵat 10:00-de memlekettik týdy kóterý saltanatty rásimi jáne Almatydaǵy M. Esbolatov atyndaǵy akademıada «Máńgilik jasa, Qazaqstan» merekelik is-sharasy ótedi;
- Áýezov aýdanynda 22 qazan kúni saǵat 11:00-de N. Sas atyndaǵy memlekettik akademıalyq teatrda «Baıtaq elim, Qazaqstan» patrıottyq merekelik konserti ótedi. 24 qazan kúni saǵat 15:30-da Almatydaǵy B. Momyshuly atyndaǵy respýblıkalyq «Jas Ulan» mektebinde Memlekettik Týdy kóterý jáne Qazaqstan Ánuranyn jappaı oryndaý saltanatty rásimi ótedi;
- Alataý aýdanynda 22 qazan kúni saǵat 16:00-de «Alataý» dástúrli óner teatrynda (Nurkent sh/a) Respýblıka kúnine arnalǵan saltanatty is-shara ótedi.
- Túrksib aýdanynda 23 qazan kúni saǵat 11:00-de №7 Oqýshylar úıinde (Nursaıa kóshesi, 4a) Respýblıka kúnine arnalǵan «Toǵyz qumalaq» ulttyq oıynynan qalalyq týrnır ótedi. Saǵat 19:00-de respýblıkalyq akademıalyq Nemis drama teatrynda (Papanın kóshesi, 70/1) «Samruk» zamanaýı bı teatrynyń konserttik baǵdarlamasy ótedi. Respýblıka kúnine arnalǵan saltanatty konsert №6 oqýshylar úıinde (Seıfýllın dańǵyly,13/1) 24 qazan kúni saǵat 17:00-de ótedi;
- Medeý aýdanynda 23 qazan kúni saǵat 12:00-de Kaspıı ýnıversıtetinde (Dostyq dańǵyly, 85a) merekelik konsert jáne Respýblıka kúnine oraı Alǵys hattarmen marapattaý ótedi;
- Almaly aýdanynda Respýblıka kúnine arnalǵan merekelik is-shara 23 qazan kúni saǵat 12:00-de Qazaq ulttyq qyzdar pedagogıkalyq ýnıversıtetinde (Gogol kóshesi, 114) ótedi. №4, 33, 20 kitaphanalarda kitap kórmeleri ótedi;
- Naýryzbaı aýdanynda 24 qazan kúni saǵat 12:00-de (Shuǵyla 347/4) merekelik konsert ótedi. 25 qazan kúni saǵat 12:00-de Amfıteatr aýmaǵynda merekelik konsert ótedi (Shuǵyla 347);
- Jetisý aýdanynda Respýblıka kúnine arnalǵan konsert 25 qazan kúni saǵat 11:00-de Kókjıek sh/a (jaıaý júrginshiler aımaǵy) ótedi.