Saıası uıym músheleri «Barlyq» bazarynyń qyzmetkerlerimen kezdesti
Almatyda 5 maýsymda ótetin jalpyhalyqtyq referendýmnyń mańyzyn túsindirý jumystary bastaldy, dep habarlaıdy Almaty-akshamy.kz Almaty.tv-ge silteme jasap.
Naýryzbaı aýdanynda qurylǵan Amanat partıasy janyndaǵy qoǵamdyq shtab músheleri № 157 mektep muǵalimderimen kezdesip, Ata Zańǵa engiziletin ózgerister týraly tolyqqandy aqparat berdi. Sondaı-aq, saıası uıym músheleri «Barlyq» bazarynyń qyzmetkerlerimen kezdesip, halyqty saılaýǵa belsendi qatysyp, memlekettiń bolashaǵyn aıqyndaýǵa bir kisideı atsalysýǵa shaqyrdy.
«Ózderińizge belgili 1995 jyly QR Konstıtýsıasy qabyldanǵan bolatyn. Búgingi tańda Konstıtýsıamyzǵa jańartýlar men tolyqtyrýlar engizilip jatyr. Prezıdentimiz Qasym-Jomart Kemeluly Toqaevtyń basshylyǵymen bolyp jatqan is. Qazaq eli qoldaý kórsetip otyrmyz», – dedi №157 JBB mektep muǵalimi Baqyt Óskenbaev.
«Meniń ómirimdegi eń birinshi referendým. Iaǵnı referendýmnyń tarıhyna keletin bolsaq, 27 jyl buryn bolǵan eken. Bul – men úshin úlken mańyzdy shara. Sol sebepti men Qazaqstannyń árbir tórtinshi jas azamaty qatysyp, óz daýsyn berý arqyly Jańa Qazaqstandy, jańa Ata Zańymyzben bastaýǵa shaqyramyn. Árbir Qazaqstandyq azamattyń daýsy mańyzdy dep sanaımyn», – dedi Amanat partıasy janyndaǵy Bilim berý jáne densaýlyq saqtaý jónindegi qoǵamdyq keńes múshesi Jánibek Soltanaı.