QR Premer-mınıstriniń orynbasary Eraly Toǵjanov 31 mamyrǵa qaraı saıası qýǵyn-súrgin qúrbandaryn tolyq aqtaý jónindegi komısıanyń jumysyna qorytyndy beriletinin aıtty, dep habarlaıdy Almaty-akshamy.kz BAQ.KZ-ke silteme jasap.
Eraly Toǵjanovtyń aıtýynsha, saıası qýǵyn-súrgin qurbandaryn tolyq aqtaý jónindegi respýblıkalyq komısıasynyń birneshe otyrysy ótkizildi.
Qazirdiń ózinde belgili bir qorytyndysy jasalyp, oqýlyqtar basyp shyǵaryldy. Jýyqta Memleket hatshysynyń tóraǵalyǵymen de otyrys ótkenin bilesizder. 31 mamyrǵa qaraı mindetti túrde jumystardyń qorytyndysy shyǵarylady, - dedi ol Úkimet kýlýarynda.
Sonymen qatar Úkimet basshysynyń orynbasary 9 mamyr merekesiniń ataýy men mazmunyn ózgertý týraly usynystarǵa qatysty pikir bildirdi.
9 maıdy jeńis kúni emes, aza tutý kúni etip atap ótý týraly másele burynnan kóterilip kele jatyr. Bul másele boıynsha árkimniń óz oıy bar. Shyn máninde bul jeńis kúni, ári eske alý kúni. Meniń oıymsha, olardy bir-birinen bólip qaraýdyń qajeti joq . Ondaı másele kún tártibinde turǵan joq dese de bolatyn shyǵar. Jeńis kúnin jerimizdi qorǵap qalǵan atalarymyz ben ákelerimizdi eske alyp jatsaq, munyń esh zıany joq dep oılaımyn. Meniń jeke ustanymym osyndaı, - dedi Eraly Toǵjanov.