Avtobýstyń júrgizýshisi rúlge ıe bola almaı, bir baǵytta kele jatqan traktordyń tirkemesine soǵylǵan
Jambyl oblysynda 12 mamyr kúni saǵat 15.50 shamasynda «Batys Eýropa-Batys Qytaı» respýblıkalyq mańyzy bar avtojolynyń 571-shaqyrymynda jol-kólik oqıǵasy boldy, dep habarlaıdy Almaty-akshamy.kz QazAqparatqa silteme jasap.
Aldyn ala boljam boıynsha kún raıynyń nasharlaýyna baılanysty (jańbyr men burshaq) jolaýshylar tasymaldaıtyn avtobýstyń júrgizýshisi rúlge ıe bola almaı, bir baǵytta kele jatqan traktordyń tirkemesine soǵylǵan.
Jol-kólik oqıǵasy saldarynan avtobýs júrgizýshisiniń kómekshisi men jolaýshysy oqıǵa ornynda qaza tapty, aýrýhanaǵa 33 adam qaralyp, olardyń úsheýi jansaqtaý bólimine jatqyzyldy.
«Atalǵan derek boıynsha QR QK 345-baby 4-bóligimen (kólik quralyn basqaratyn adamnyń abaısyzda eki nemese odan da kóp adamnyń ólimine ákep soqqan jol júrisi nemese kólik quraldaryn paıdalaný qaǵıdalaryn buzýy) boıynsha sotqa deıingi tergeý amaldary bastaldy. Qajetti saraptamalar taǵaıyndaldy»,-delingen polısıa departamentiniń habarlamasynda.