Almatyda 1990 jyly paıdalanýǵa berilgen qubyr jelisin jóndeý jumystaryna baılanysty Raıymbek dańǵylynda qozǵalys ýaqytsha shekteledi, - dep habarlaıdy aqshamnews.kz.
18 shilde saǵat 22:00 bastap 19 shilde saǵat 08:00 deıin Raıymbek dańǵylynyń boıymen Seıfýllın dańǵylynan bastap Bókeıhanov kóshesine deıin eki baǵytqa qaraı avtokólik qozǵalysy jartylaı shekteledi.
Ýaqytsha shekteýler aldaǵy jylytý maýsymyna daıyndyq aıasynda 1990 jyly paıdalanýǵa berilgen magıstraldi qubyr jelisinde jóndeý jumystaryn qaýipsiz júrgizý úshin engizilip otyr.
Esterińizge sala keteıik, qozǵalysty shekteýge qatysty barlyq aqparat @AlmatyJoly Telegram-arnasynda, aýdan ákimdiginiń áleýmettik jelilerinde, sondaı-aq 2GIS jáne «Iandeks kartalar» servısterinde jarıalanǵan.