Qaraǵandy oblysy PD ūıymdasqan qylmysqa qarsy kúres basqarmasynyń qyzmetkerlerí prokuraturamen jáne ŪQK-men bírlesíp, Balqash qalasynda arnaıy jedel-ízdestíru ís-sharasyn júrgízdí, - dep habarlaıdy Polisia.kz.
Nátıjesínde qala tūrǵyndaryn qorqytu arqyly aqsha bopsalaumen aınalysqan qylmystyq toptyń múshelerí ūstaldy. Jedel ís-shara barysynda polıtsıya bólímíne 13 adam jetkízíldí, olardyń segízí uaqytsha ūstau ızolyatoryna qamaldy.
Tergeu barysynda kúdíktílerdíń tūrǵyndardan 800 myńnan 8 mıllıon teńgege deıín aqsha bopsalaǵany, sondaı-aq jábírlenushílerdíń atynan zańsyz túrde nesıe rásímdegení anyqtaldy. Arnaıy operatsıya barysynda polıtsıya qyzmetkerlerí 23 tíntu júrgízíp, 26 ūyaly telefon, jetí pyshaq, bes avtokólík, ekí mıllıon teńgeden astam qarajat, esírtkíge ūqsas zat salynǵan tórt paket jáne qylmystyq áreketterge qatysty basqa da aıǵaq zattar tárkílendí.
Būl derek boıynsha sotaldy tergeu amaldary júrgízílíp jatyr. Tergeu múddesíne baılanysty ózge aqparat jarıya etílmeıdí.