Almatyda adam papılloma vırýsyna qarsy 11 jastaǵy qyzdardy vaksınasıalaý boıynsha aýqymdy naýqan qarsańynda daıyndyq jumystary belsendi júrgizilýde. Densaýlyq saqtaý mınıstrligi bekitken vaksınasıany engizý josparyna sáıkes aǵymdaǵy jyldyń qyrkúıek aıynan bastap 11 jastaǵy barlyq qyzdar óz mektepterinde tikeleı vaksınasıadan tegin óte alady, dep habarlaıdy aqshamnews.kz.
APV-ǵa qarsy vaksınasıa prosesi qalaı uıymdastyrylatynyn Óńirlik komýnıkasıalar qyzmetiniń brıfıńinde Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova aıtyp berdi.
«Vaksınasıa alty aı aralyqpen eki dozany alýdy kózdeıdi. Uıymdastyrylǵan ujymda biz tıisti kontıngentti barynsha qamtýdy qamtamasyz ete alamyz. Mektepterdiń medısınalyq qyzmetkerleri jazǵy demalys bastalǵanǵa deıin vaksınasıa tehnıkasy boıynsha daıyndaldy. Qajet bolǵan jaǵdaıda mektepke barý úshin qosymsha brıgada qurylady. Mektepterdiń egý kabınetterinde vaksınasıa júrgizý úshin jaǵdaılar jasalǵan», - dep bólisti ol.
Vaksınasıa ata-analardyń tek jazbasha kelisimimen júzege asyrylady. Prosedýradan buryn ár balany qarsy kórsetkishterdi anyqtaý úshin dáriger tekseredi. Vaksınasıadan keıin balalardy medısınalyq qyzmetkerler 30 mınýt boıy baqylaıdy. Sonymen qatar, vaksınasıalaýǵa tek tájirıbeli medısına qyzmetkerleri ǵana jiberiledi.
Almatyda 11 jastaǵy qyzdardyń sany 17 myńǵa jýyq ekeni aldyn ala anyqtalǵan, alaıda bul kórsetkish ózgerýi múmkin. Qazirgi ýaqytta Almatyǵa vaksına jetkiziledi dep kútilýde.