Almatyda klasıkalyq óner maıtalmandarynyń 120 jyldyǵyna arnalǵan «Qyz Jibek» operasy sahnalandy, dep habarlaıdy aqshamnews.kz
2025 jylǵy 22 mamyrda Abaı atyndaǵy Qazaq ulttyq opera jáne balet teatry Qazaqstandaǵy klasıkalyq ónerdiń negizin qalaǵan Evgenıı Brýsılovskıı, Qanabek Baıseıitov, Qurmanbek Jandarbekov syndy kórnekti tulǵalardyń 120 jyldyǵyna arnalǵan «Qyz Jibek» operasyn usyndy. Bul tulǵalardyń esimderi ulttyq mýzyka men teatr óneriniń tarıhynda altyn áriptermen jazylǵan.
Kesh barysynda «Qyz Jibek» operasynyń alǵashqy jáne myńynshy qoıylymynan sırek kezdesetin tarıhı kadrlar kórsetildi. Teatr zalynda sol ańyz adamdardyń daýysy estildi. Keıin olardyń isin jalǵap kele jatqan izbasarlary da sóz sóıledi.
Aıta keteıik, «Qyz Jibek» qazaqtyń tuńǵysh operasy 1934 jyldyń 7 qarashasynda sahnalandy. Sol qoıylymda basty partıalardy Kúlásh Baıseıitova, Qurmanbek Jandarbekov jáne Qanabek Baıseıitov oryndady. Olar spektáklge qatysyp qana qoımaı, E. Brýsılovskııge qazaq mýzykasyn meńgerýge kómektesip, operanyń negizi bolǵan mýzykalyq materıaldy tańdaýǵa yqpal etti. Opera mýzykasy túgeldeı fólklorǵa negizdelgen. Onda elýden astam kúı men án qamtylyp, halyq mýzykasy men poezıasynyń ozyq úlgileri jınaqtalǵan.
Qoıylym kópshiliktiń kóńilinen shyqty. Keshke mereıtoı ıeleriniń týystary da qatysty. Ulttyq opera óneriniń tarıhı jáne zamanaýı murasy shyrqalyp, qoıylym barsha kórermenge erekshe áser qaldyrdy.