19 qazan - qutqarýshylardyń kásibı merekesi
2021 jylǵy 19 qazan kúni azamattyq qorǵaý organdaryna 26 jyl tolady, osyǵan oraı Almaty oblysy Tótenshe jaǵdaılar departamenti birqatar saltanatty is-sharalar ótkizdi, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
Búgin Qazaqstannyń TJ aldyn alý jáne joıý júıesine 26 jyl toldy. Qutqarýshylar kúni - bul naǵyz batyrlardyń merekesi, qandaı da bir tabıǵı apat saldarynan qıynshylyqqa tap bolǵan azamattardy qutqarýǵa asyǵatyn qyzmetkerlerdiń báriniń merekesi. Qutqarýshylardyń qyzmeti erekshe, ol kásibı boryshyn oryndaý kezinde óz ómiri úshin táýekeldermen ushtasady. Qutqarýshy bolý úshin teorıalyq jáne praktıkalyq bazany jaqsy meńgerý, kez kelgen tótenshe jaǵdaılarǵa daıyn bolý qajet. Jasyratyny joq, keıde olar myńdaǵan adamdardyń ómirin saqtap qalý úshin óz ómirlerin beredi. Olardy bizdiń zamanymyzdyń batyrlary dep ataýǵa bolady.
Ótken jyldar ishinde qutqarýshylar ártúrli nysandardaǵy adamdardy órtten jáne túrli apattardan qutqarý jónindegi ıgi iste ózderiniń joǵary kásibıligin birneshe ret kórsetti. Kún saıyn olar laıyqty qyzmet atqarady, osy adamdardyń arqasynda tótenshe jaǵdaıǵa tap bolǵan adamdar úshin jańa kún keledi.
2021 jylǵy 19 qazan kúni azamattyq qorǵaý organdaryna 26 jyl toldy, osyǵan oraı Almaty oblysy Tótenshe jaǵdaılar departamenti birqatar saltanatty is-sharalar ótkizdi. Osy kúni jeke quramdy saltanatty túrde qurýdan jáne azamattyq qorǵaý organdaryna jańadan qabyldanǵan jas qyzmetkerlerdiń ant qabyldaýynyń saltanatty rásimderin ótkizýden bastaldy. Sodan keıin qyzmettik boryshyn oryndaý kezinde qaza tapqan qyzmetkerlerdiń eskertkishine gúl shoqtaryn qoıý rásimi ótti.
Óskeleń urpaqtyń ómir qaýipsizdigi mádenıetin qalyptastyrý, sondaı-aq tótenshe jaǵdaılar men adam óliminiń aldyn alý maqsatynda jańa shaǵyn aýdandaǵy kóp páterli úıler, biriniń qasbetinde órt sóndirýshiler men qutqarýshylarǵa arnalǵan mýraldyń saltanatty ashylýy ótti, oǵan Almaty oblysy ákiminiń birinshi orynbasary, azamattyq qorǵaý júıesiniń ardagerleri, Departamenttiń jeke quramy jáne BAQ ókilderi qatysty. Mýraldyń ashylý saltanatynda Almaty oblysy ákiminiń birinshi orynbasary L. M. Turlashov, Almaty oblysy TJD bastyǵy A. T. Toıshybekov jáne «Tótenshe jaǵdaılar organdarynyń Qazaqstandyq ardagerler uıymy» QB Almaty oblysy boıynsha fılıalynyń tóraǵasy N. B. Qoıshybaev quttyqtaý sóz sóıledi.
Kásibı mereke – Qutqarýshylar kúnin merekeleýge arnalǵan is-shara Oqýshylar saraıynda jalǵasty, onda azamattyq qorǵaý organdarynyń ardagerleri, departament jáne onyń aýmaqtyq bólimsheleriniń qyzmetkerleri úshin merekelik konsert ótti. Almaty oblysy ákiminiń birinshi orynbasary L.Turlashov jáne Almaty oblysy TJD bastyǵy A. Toıchýbekov quttyqtaý sóz sóıledi.
Qutqarýshylar kúnine arnalǵan saltanatty is-sharada órtterde jáne basqa da tótenshe jaǵdaılarda qaýipsizdikti qamtamasyz etý jáne adamdardyń qaza bolýyn aldyn alý boıynsha jumystarǵa eleýli úles qosqan departament qyzmetkerleri Almaty oblysy ákiminiń jáne QR Tótenshe jaǵdaılar mınıstriniń vedimistik medaldarymen jáne Qurmet gramotalarymen marapattaldy. Shara sońynda qutqarýshylar kúnine arnalǵan beınefılm kórsetildi.