Almaty qalasynyń týrızm basqarmasy demeýshilik qoldaýymen «Lýnnaıa polána» qutqarý úıshiginde jóndeý jumystaryn júrgizdi, onyń barysynda esik, tereze, jatyn oryn jáne úıshik qabyrǵalary qalpyna keltirildi. Búginde nysan odan ári paıdalanýǵa tolyq daıyn.
Esterińizge sala keteıik, bıyl jazda úıshik vandalızmge ushyrady. Qutqarý mekemesinde bolattan jasalǵan esik, tereze synǵan, qabyrǵalary maıysqan jáne tósektegi matrasty órteý áreketteri baıqalǵan, dep habarlaıdy Almaty-akshamy.kz.
Almaty taýlarynda teńiz deńgeıinen 2500 m bıiktikte ornalasqan «Lýnnaıa polána» qutqarý úıshikteri aýa-raıynan pana, adasqan týrıser úshin túneý orny jáne qıyn jaǵdaılarda kómek kútý orny retinde qyzmet etedi.
Taýlardaǵy qaýipsizdikti qamtamasyz etýge baǵyttalǵan keshendi sharalar aıasynda sońǵy birneshe jylda qalalyq Týrızm basqarmasy taýly jerlerdiń shalǵaı ýchaskelerinde 18 taý úıshikterin ornatty. Olardyń oryndary 2GIS qosymshasynda belgilengen. Qutqarý nysandary kún panelderimen jáne barlyq qajetti quraldarmen jabdyqtalǵan. İshinde siz alǵashqy medısınalyq kómek jınaǵyn ala alasyz.
Basqarý kez-kelgen adam úıshikti tegin paıdalana alatyndyǵyn, alaıda onyń qaýipsizdigi týrıserdiń ózderine baılanysty ekenin eske salady.
RAMS Kazakhstan kompanıasy demeýshi boldy.