Tıbet taýlarynda qar kóshkini saldarynan eki álpınıs qaza tapty, - dep habarlaıdy almaty-akshamy.kz "Sınhýa" agenttigine silteme jasap.
Agenttik málimetinshe, 7 qazanda Qytaıdyń Tıbet avtonomıalyq aýdanyndaǵy Shıgadze ýeziniń terıtorıasynda ornalasqan Shıshabangma taýynyń shyńynan qar kóshkini júrgen.
"Eki álpınıs qaza tapty, ekeýi iz-tússiz joǵalyp ketti, taǵy bireýi aýyr jaraqat aldy. Qutqarý jumystary júrip jatyr", - delingen habarlamada.
Agenttik málimetinshe, qaza tapqandardyń biri AQSH azamaty, ekinshisi - Nepaldan.
Qar kóshkini teńiz deńgeıinen 7,6 myń jáne 8 myń metr bıiktikte júrgen.
Aıta keteıik, álpınıser Gımalaıǵa shyǵý úshin qazan aıyn kóp tańdaıdy. Alaıda ǵalymdar jahandyq jylyný bıiktaýly aımaqtarda qar kóshkini júrý qaýipin kúsheıtetinin aıtady.