Almaty ıpodromynda «Qyran-2022» respýblıkalyq qusbegiler týrnıri ótti.
Ulttyq sport ulyqtalǵan is-sharaǵa 100-den ań aýlaıtyn qus men qazaqtyń qumaı tazysy qatysty, dep habarlaıdy Almaty-akshamy.kz.
Dástúrli saıys «Búrkit», «Qarshyǵa», «Suńqar» jáne «Tazy» syndy tórt nomınasıa boıynsha uıymdastyryldy. «Búrkit» nomınasıasynda birinshi oryn ıelengen Dıas Kúntýǵanǵa (Almaty q.) 500 myń teńgeniń aqshalaı sertıfıkaty, kýbok jáne arnaıy daıyndalǵan belbeý berildi. «Suńqar» nomınasıasynda Tańat Ospanqulov (Qaraǵandy q.), «Qarshyǵa» nomınasıasynda Aıdar Bekmuhambet (Almaty obl.), al «Tazy» nomınasıasynda Sultanseri Esentaev (Almaty q.) jeńiske jetti.
Júldegerler 300 myń teńge kóleminde aqshalaı sertıfıkat, kýbok pen arnaıy daıyndalǵan belbeý aldy. Týrnırdiń jalpy júlde qory shamamen 3 mıllıon teńge.
