Bul - tarıhı oqıǵa.
2 jeltoqsanda Kankýn qalasynda notarıýstardyń halyqaralyq Kongresi ótti. Resmı rásimde Týdy kóterip, Ant qabyldaýmen qatar, qazaqstandyq notarıat Halyqaralyq notarıat odaǵynyń tolyq quqyly múshesi atandy, dep habarlaıdy Almaty-akshamy.kz.
"Bul - tarıhı oqıǵa, sebebi qazaqstandyq notarıýstardyń HNO-na kirýi uzaq kelissózder men notarıattyq zańnamany halyqaralyq standarttarǵa sáıkestendirý jumystardyń arqasynda júzege asty. Aıta keteıik, 2003 jyly Qazaqstan halyqaralyq notarıat odaǵynyń quramyna kirýge ótinish berdi", - delingen Ádilet mınıstrliginiń resmı saıtynda.
Qazaqstannyń bul uıymǵa múshe bolýy otandyq notarıýstarǵa kásibı tájirıbe almasýǵa, Qazaqstanda jasalǵan notarıattyq áreketterdi shetelde tanýǵa, sondaı-aq, halyqaralyq kollegıalarǵa qatysýǵa múmkindik beredi. Elimizdiń Ádilet mınıstrligi Respýblıkalyq notarıattyq palatamen birlesip, osy saladaǵy qyzmet sapasyn halyqaralyq standarttarǵa jetkizý maqsatynda kóp jyldar boıy ulttyq zańnamany jetildirip keledi.
Halyqaralyq notarıat odaǵynyń múddeleri BUU-da, IýNESKO-da, halyqaralyq jeke quqyq jónindegi Gaaga konferensıasynda, Eýropalyq komısıa men Eýropalyq parlamentte, Eýropa Keńesinde jáne basqa da halyqaralyq uıymdarda usynylǵan.
Resmı sharaǵa Ádilet mınıstri Qanat Mýsın men Respýblıkalyq notarıattyq palatanyń tóraıymy Ásel Janábilova qatysty.