Kásipqoı boksshy Aıdos Erbosynuly sońǵy jekpe-jeginde aýyr jaraqat alǵan edi.
Búginde sportshynyń beti beri qarap, densaýlyǵy túzelip qaldy, dep habarlaıdy Almaty-akshamy.kz.
VKontakte áleýmettik jelisindegi «Qazaqstannyń kásipqoı boksy» paraqshasynda sportshynyń aýrýhanadan shyqqannan keıin jazǵan alǵashqy vıdeoúndeýi jarıalandy.
«Maǵan jankúıer bolǵan jandardyń bárine Alla razy bolsyn. Aman-saýmyz, aýrýhanadan emdelip shyqtyq. Aınalysyp júrgen kásibimiz – boks – naǵyz erlerdiń sporty bolǵandyqtan, mundaı jaǵdaılar bolyp turady. Biz ǵana emes, áıgili Pakáolardyń ózi aýrýhanaǵa talaı ret túsken, myqty bolyp oralǵan. Biz de, ınshalla, myqty bolyp oralamyz. Alla buıyrsa, áli talaı jeńisterge jetemiz, chempıondyq beldikti alyp kelemiz», - dedi Aıdos Erbosynuly.
Eske salsaq, 6 qarasha kúni AQSH-ta qazaqstandyq boksshy Aıdos Erbosynuly (16-0, 11 KO) men kýbalyq Davıd Morrel (7-0, 6 KO) arasynda WBA nusqasy boıynsha sýper orta salmaqtaǵy «turaqty» álem chempıony ataǵy úshin jekpe-jek ótip, otandasymyz nokaýtpen jeńildi.
Aıqastan soń boksshymyz shuǵyl túrde aýrýhanaǵa jetkizildi. Ol komaǵa túsken edi.