2025 jylǵa deıin mádenıet salasy qyzmetkerleriniń jalaqysy 100%-ke kóteriledi.
Bul týraly Jambyl oblysyna issaparmen barǵan Mádenıet jáne sport mınıstri Asqat Oralov aıtty, dep habarlaıdy Almaty-akshamy.kz 24.kz-ke silteme jasap.
Sonymen qatar «Halyq ártisi» ataǵy keri qaıtarylady. Mınıstr halyqpen kezdesýde ataqty «Gúlder» ansambli qaıta jasaqtalatynyn atap ótti. Shyǵarmashylyqqa jaqyn daryndy jastardy ansámbl quramyna alý úshin arnaıy top aımaqtardy aralaýǵa shyǵady. Arhıv salasynda da birqatar jańalyq bar. El kólemindegi 12 myńǵa tarta arhıv qyzmetkerlerine qosymsha jalaqy taǵaıyndalady. Qazir eldegi muraǵattar 100%-ke tolyp tur. Sol sebepti qosymsha 20 arhıv nysanyn salý qolǵa alynady.
«Jambyl oblysyna keler bolsaq, ózimizdiń mádenıet salasyna qaraıtyn bolsaq, bıyldyń ózinde oblys kóleminde 14 mádenıet obektisi salynatyn bolady. Sonyń 9-yn jyldyń sońyna deıin aıaqtaımyz. Beseýi josparǵa sáıkes kelesi jyldyń basynda qurylysy aıaqtalatyn bolady. Bul 14 mádenı obektisiniń shynyn aıtqanda respýblıkadan 1,1 mlrd teńge bólindi. Jergilikti búdjetten 300 mln teńge bólingen bolatyn. Olardyń 100%-i aýdandarda, óńirlerde, aýyldarda salynatyn bolady», - deıdi QR Mádenıet jáne sport mınıstri Asqat Oralov.