2024 jylǵy 17 maýsym men 17 tamyz aralyǵynda Almaty qalasynyń Medeý aýdanyndaǵy Qurmanǵazy kóshesi boıymen Pýshkın kóshesinen Dostyq dańǵylyna deıin jáne Dostyq dańǵylynan Zenkov kóshesine deıin avtokólik qozǵalysy jabylady, dep habarlaıdy almaty-akshamy.kz «Almaty jylý jelileri» JSHS-ne silteme jasap.
Dostyq dańǵylynan Zenkov kóshesine deıingi qozǵalys eki jaqqa da jabylady.
1986 jyldan beri paıdalanylyp kele jatqan atalǵan kóshe segmentiniń júris bóliginiń astynan ótetin jalpy uzyndyǵy 305 metr qubyrdy qaıta jańartý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi.
Sońǵy 5 jylda bul ýchaskede 10-ǵa jýyq aqaý joıyldy.
Bul qubyr ýchaskesi jylýmen jáne ystyq sýmen 5 kóppáterli turǵyn úıdi jáne 4 ózge de obektilerdi qamtamasyz etedi. Atalǵan tutynýshylarǵa rekonstrýksıa júrgizý kezeńinde ystyq sý beriletin bolady.
Ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.