Jyl basynan beri elimizde 947 jemqorlyqqa qatysty qylmys tirkelgen.
Memleket basshysy Sybaılas jemqorlyqqa qarsy is-qımyl agenttiginiń tóraǵasy Asqat Jumaǵalıdy qabyldady, dep habarlaıdy Almaty-akshamy.kz Aqordaǵa silteme jasap.
Asqat Jumaǵalı:
jemqorlyqqa qarsy kúresý úshin qabyldanyp jatqan sharalar týraly baıandady:
– jyl basynan beri elimizde 947 jemqorlyqqa qatysty qylmys tirkelip, 660 adam áshkerelengen. Onyń 104-i – ártúrli deńgeıdegi basshylar;
– tergeý amaldary aıaqtalǵan qylmystyq ister aıasynda 193,5 mıllıard teńge ótelgen. Jalpy, 2022 jyldan beri memleketke jáne kvazımemlekettik sektor sýbektilerine 1,03 trıllıon teńge kóleminde múliktik aktıvter men qarjy qaıtarylǵan;
– bıyl bilim, ǵylym, sport, dári-dármek satyp alý, qurylys, jer telimderin bólý salalaryna júrgizilgen taldaý jáne monıtorıń jumystarynyń qorytyndysy boıynsha 113 esep ázirlengen;
– memlekettik organdarǵa jemqorlyq táýekelderin joıýǵa baǵyttalǵan myńnan astam usynys berilgen;
– aldyn alý sharalary aıasynda, sonyń ishinde «Biryńǵaı satyp alý terezesi» portalyna monıtorıń júrgizý arqyly 31 mıllıard teńgeden astam búdjet qarajatynyń tıimsiz jumsalýyna jol berilmegen;
– «Bızneske jol» jobasyn júzege asyrý kezinde 7,5 myńǵa jýyq kásipkerdiń quqyǵy qorǵalyp, 67 túıtkildi keıs sheshimin tapqan;
jol salasyndaǵy jemqorlyq áreketterdi joıýǵa qatysty tapsyrmasynyń oryndalý barysy jóninde baıandady:
– «aqshany boıaý» pılottyq jobasyn áleýmettik mańyzy bar salalarda, sonyń ishinde jol qurylysynda iske asyrý josparlanyp otyr;
jyl basynan beri Qatar, Gonkong, Ázerbaıjan jáne Reseı Federasıasynyń sybaılas jemqorlyqqa qarsy vedomstvolarymen yntymaqtastyq týraly 4 memorandýmǵa qol qoıylǵany jaıynda málimet berdi. Atalǵan qujattar quqyqtyq kómek kórsetý, aktıvterdi qaıtarý, adamdardy izdestirý, búdjet qarajatynyń maqsatty jumsalýyna jáne satyp alý úderisine monıtorıń júrgizý máseleleri boıynsha seriktestikti nyǵaıtýǵa baǵyttalǵan.
Kezdesý sońynda Qasym-Jomart Toqaev birqatar naqty tapsyrma berdi.