2024 jyldyń 25 qyrkúıeginde Prokýratýra men Medeý aýdandyq polısıa basqarmasy quqyq buzýshylyqtyń aldyn alý máseleleri boıynsha vedomstvoaralyq keńes ótkizdi.
Sharaǵa aýdandaǵy oıyn-saýyq mekemeleriniń ókilderi shaqyrylǵan. Medeý aýdanyndaǵy máselelerdiń biri – dámhanalar, meıramhanalar men túngi klýbtarda jıi oryn alatyn qylmystar, dep habarlaıdy aqshamnews.kz Polisia.kz-ke silteme jasap.
Qadaǵalaý organynyń málimetinshe, 2024 jyldyń 8 aıynda aýdandaǵy 5 belgili mekemede 12 qylmys, onyń ishinde 11 kúsh qoldaný arqyly buzaqylyq jáne 1 kisi óltirýge oqtalý derekteri oryn aldy. Bir ataqty meıramhanada 12 qylmystyń 6-y jasalǵan.
Polısıa men prokýratýra keıbir mekemelerde beınebaqylaý kameralary jartylaı joq ekendigin anyqtady. Oqıǵalardan keıin qaýipsizdik qyzmeti janjaldardyń aldyn alý úshin der kezinde shara qoldanbaǵan jáne polısıaǵa da habarlamaǵan. Qylmystyq quqyq buzýshylyqtardan basqa, qoǵamdyq tártipti buzý jáne basqa da quqyq buzýshylyq derekteri bar. Bul janjal týdyryp, qylmys jasaýǵa jaǵdaı týǵyzady. Polıseıler atalǵan quqyq buzýshylyqtar úshin 200-den astam adamdy ákimshilik jaýapkershilikke tartty.
Oıyn-saýyq mekemelerine azamattardyń qaýipsizdigi úshin qosymsha sharalar qabyldaý, qaýipsizdikti kúsheıtý, kelýshilermen profılaktıkalyq is-sharalardy ýaqtyly júrgizý, beınebaqylaý kameralaryn 100% ornatý jáne basqa da birqatar sharalardy júrgizý tapsyryldy. Óz kezeginde polıseıler mundaı oryndardy aralap, árbir quqyqbuzýshylyqqa dereý den qoıyp, kinálilerdi jaýapkershilikke tartý sharalaryn qolǵa alyp jatyr. Jalpy vedomstvoaralyq keńestiń qorytyndysy boıynsha quqyq buzýshylyqtyń aldyn alýǵa baǵyttalǵan birqatar naqty tapsyrmalar berildi.