Abaı atyndaǵy Qazaq ulttyq opera jáne balet teatry úshin, bıyl mereıli jyl – qara shańyraq óziniń 90-shy maýsymyn jaryq kórgenine 80 jyl tolǵan Ahmet Jubanov-Latıf Hamıdıdiń «Abaı» operalyq spektaklimen atap ótedi.
Óner ordasy aıtýly merekeni 28 qyrkúıekte saǵat 15:00-de júzden astam ardagerin marapattaýdan bastaıdy. Ardaqty azamattaryn qyzyl kilem tósep qarsy alatyn ujym, mereıli jyldar boıy ómirin asqaq sahnaǵa, shyǵarmashylyqqa, teatrǵa qyzmet etýge arnaǵan adal jandarǵa arnaıy tósbelgi jáne syılyq tabystaıdy.
Merekeli sharaǵa asyldyń tuıaqtary Qazaq KSR Halyq ártisi Raýshan Hatıatqyzy Baıseıitova jáne Qazaq KSR Halyq ártisi Baqyt Áshimovanyń urpaǵy qatysyp, qadirli qonaqtarymyz Abaı atyndaǵy teatr murajaıyna tarıhı qundy mura tabys etedi dep kútilýde.
Marapat barysynda ardagerlerimizge shaǵyn mýzykalyq tartý uıymdastyrylady. Saltanatty kún aqsaqaldarymyzdyń Ahmet Jubanov pen Latıf Hamıdıdiń «Abaı» operasyn tamashalaýmen támamdalady.
Abaı atyndaǵy Qazaq ulttyq opera jáne balet teatry osylaısha óziniń «Ǵasyr aldyndaǵy jańa belesine» – 91-shi maýsymyna qýanyshpen aıaq basady.