Almaty qalasy Jetisý aýdany polısıasynyń málimetinshe, ol iri kólemde aqsha urlaǵan.
Polısıaǵa kabeldi satýmen aınalysatyn kompanıanyń ókili aryzdanǵan. Onyń kóliginen 23 mıllıon teńge salynǵan sómke joǵalyp ketken, dep habarlaıdy aqshamnews.kz Polisia.kz-ke silteme jasap.
-Er adamnyń aıtýynsha, ol kóligin az ýaqytqa qaldyryp ketken. Qaıta oralǵan kezde kólik áıneginiń synǵanyn jáne sómkeniń joǵalǵanyn kórgen. Bul qylmysty ashý maqsatynda arnaıy jedel-tergeý toby quryldy. Beınejúıelerdiń kómegimen jábirlenýshiniń áreketiniń hronologıasy qalpyna keltirilip, kúdiktiniń jábirlenýshiniń sońynan erip, bótenniń múlkin urlaý úshin qolaıly sátti kútip júrgendigi anyqtaldy. Tergeýdiń bir nusqasy boıynsha, qaskóı bireýdiń aıtýymen áreket etken bolýy múmkin. İs muqıat tekserilip jatyr, — dedi Jetisý aýdany polısıa basqarmasynyń bastyǵy Jánibek Shynasylov.
Mobıldi bolý úshin jáne dýlyǵa astynda baıqalmaý úshin kúdikti mopedke mingen. Alaıda jedel ýákilder ony tez arada anyqtap, ustady.
– Urlyq bolǵan kúnniń kelesi kúni kúdikti áıelimen birge urlanǵan kýpúralardy dollarǵa aıyrbastaǵan. Bul derekte beınebaqylaý kameralaryna túsip qalǵan. Qazir kúdikti ustalyp, qamaýǵa alyndy. Osy derek boıynsha sotqa deıingi tergeý jalǵasýda, – dedi Jánibek Shynasylov.