Olar tıisti talaptar men erejelerdi tolyq saqtaý kerek.
Reseıden Qazaqstanǵa kelgen dárigerler elimizdegi klınıkalarda jumysqa ornalasa alady. Bul týraly QR Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz QazAqparatqa silteme jasap.
«Qazaqstanda eńbek mıgranty retinde jumys isteýge qyzyǵýshylyq tanytqan reseılik dárigerler EAEO zańnamasy aıasynda bizdegi aýrýhanalarǵa jumysqa ornalasa alady. Osy oraıda olar tıisti talaptar men erejelerdi tolyq saqtaý kerek», - dedi A. Ǵınıat Parlament Májilisindegi Úkimet saǵatynan keıingi baspasóz máslıhatynda.
Onyń aıtýynsha, birinshi kezekte olardyń dıplomdary bizde moıyndalýy tıis. Ekinshiden, reseılik dárigerlerdiń sertıfıkattaýdan ótýi mindetti bolady.
Budan buryn habarlanǵandaı, aýyldaǵy kadrlyq qamtamasyz etýge taldaý jirgizilip, 1 700-den astam medısına qyzmetkeriniń, onyń ishinde 1000-nan astam dárigerdiń tapshylyǵy anyqtaldy.