*
*
Oqýǵa qajetti qujattardy tapsyrý 26 maýsymǵa deıin jalǵasady. Bul týraly Óńirlik komýnıkasıalar qyzmetiniń brıfıńinde QR Prezıdenti janyndaǵy Memlekettik basqarý akademıasynyń Almaty qalasy boıynsha fılıalynyń dırektory Aıgerim Abılova aıtyp berdi, dep habarlaıdy almaty-akshamy.kz.
Memlekettik basqarý akademıasy - Qazaqstandaǵy jumys istep turǵan memlekettik qyzmetshilerdiń kásibı damýy men bilim alýyna jaýapty jalǵyz joǵary oqý orny. Akademıa jumysy memlekettik apparat kadrlary men kásibı basqarýshylardy daıarlaýǵa baǵyttalǵan.
«Bıyl 6 magıstrlik, 3 doktorlyq baǵdarlama boıynsha jáne óndiristen qol úzbeı oqýǵa bolatyn 2 modýldik baǵdarlama boıynsha úmitkerlerdi qabyldaý júrgiziledi» - dedi Aıgerim Abılova.
Qujattardy qabyldaý magıstratýra baǵdarlamalary boıynsha júzege asyrylady:
- bir jyldyq kúndizgi oqý – «Memlekettik basqarý (MRA)», «Adam resýrstaryn basqarý (MHRM»), «Óńirlik damý (MRD)»;
- bir jarym jyldyq kúndizgi oqý – «Memlekettik saıasat (MPP)», «Ekonomıka (ME)», «Halyqaralyq qatynastar (MIR)»;
- memlekettik qyzmetshi bolyp tabylmaıtyn tulǵalar úshin óndiristen qol úzbeı bir jyldyq modýldik oqytý: «Memlekettik basqarý (EMRA)», «Óńirlik damý (MRD»).
3 jyl oqý merzimimen doktorantýraǵa qabyldaý «Memlekettik basqarý (DPA)», «Halyqaralyq qatynastar (DIR)», «Ekonomıka (DE)» baǵdarlamalary boıynsha júrgiziledi.
ÓKQ spıkeriniń sózinshe, bıyl memlekettik qyzmetshilerdi daıarlaýǵa magıstratýra boıynsha 120 grant, doktorantýra boıynsha 12 grant bólindi.
Memlekettik tapsyrys boıynsha túsý úshin memlekettik qyzmette keminde eki jyl, magıstrlik baǵdarlamalar úshin jáne doktorlyq baǵdarlamalar úshin keminde 5 jyl eńbek ótili bolýy qajet.
Memlekettik bilim berý tapsyrysy boıynsha túsýshiler úshin mindetti talap - memlekettik organnyń basshysy qol qoıǵan joldama bolýy kerek.
«MPA - Memlekettik basqarý» baǵdarlamasyna nazar aýdarý kerek. Munda memlekettik qyzmetshilerdiń kelesi sanattarynyń basshylyq laýazymynda keminde eki jyl ótili bar basshylar arasynan úmitkerler qabyldanady:
- saıası memlekettik qyzmetshiler, «A» korpýsy, «B» korpýsy (A-1, A-2, A-3, V-1, V-2, V-3, S-1, S-2, S-3, S-O-1, S-O-2, S-O-3, D-1, D-2, D-3, D-O-1, D-O-2, E-1, E-2), quqyq qorǵaý jáne arnaıy memlekettik organdardyń basshylyq laýazymdary;
- nemese kvazımemlekettik sektorda ne jeke sektorlarda keminde úsh jyl eńbek ótili bar tulǵalar qabyldanady.
«Halyqaralyq qatynastar - Master of International Relations» bilim berý baǵdarlamasyna túsýge nıet bildirgen úmitkerler úshin mynadaı talaptar qoıylady:
-úmitker QR Syrtqy ister mınıstrliginiń, ne halyqaralyq yntymaqtastyq máselelerimen baılanysty ortalyq memlekettik organdardyń qurylymdyq bólimsheleriniń jáne olardyń aýmaqtyq bólimsheleriniń, jergilikti atqarýshy organdarda jumys istep júrgen memlekettik qyzmetshiler bolýy tıis;
-atalǵan Mınıstrlikte nemese kórsetilgen qurylymdyq bólimshelerde memlekettik qyzmette keminde eki jyl eńbek ótili bolýy qajet.- aǵylshyn tilin biletindigin rastaıtyn sertıfıkat kórsetkishi IELTS 4.0 baldan kem emes, TOEFL IBT 32 nemese TOEFL ITP (LEVEL 1) 343 baldan kem emes, TOEIC 405 baldan kem emes, Duolingo English Test 65 baldan kem emes bolýy kerek.
Doktorantýra baǵdarlamalarynyń úmitkerleri úshin:
- IELTS 5.5 baldan kem emes, TOEFL IBT 46 nemese TOEFL ITP (LEVEL 1) 460 baldan kem emes, TOEIC 550 baldan kem emes, Duolingo English Test 95 baldan kem emes;
-research proposal – zertteý jumysy josparynyń jobasyn usyný qajet.
Sonymen birge, Akademıa fılıalynyń basshysy oqýǵa túsi erejelerinde kelesi ózgerister engizilgenin aıtty:
- «Halyqaralyq qatynastar», «Memlekettik saıasat» jáne «Ekonomıka» eki jyldyq baǵdarlamalary boıynsha oqý merzimi eki jyldan bir jarym jylǵa deıin qysqartyldy.
- bıyl «Memlekettik basqarý» baǵdarlamasyna quqyq qorǵaý organdarynan jáne arnaıy memlekettik organdardan da úmitkerler qabyldanady.
- qabyldaý naýqanynyń jalpy merzimi 20 kúnge qysqartyldy. Qorytyndy aqparatty 5 tamyzda jarıalaý josparlanyp otyr.
- magıstratýra baǵdarlamalary úshin suhbat kezeńin baǵalaýdyń úles salmaǵy 70%-ǵa deıin jáne doktorantýra úshin 50%-ǵa deıin kóterildi.
Memlekettik basqarý akademıasyna oqýǵa túsý úshin qajetti qujattar tizimi:
- memlekettik organnyń joldamasy, memlekettik tapsyrys boıynsha oqýǵa túsýge úmitker memlekettik qyzmetshiler úshin;
- jeke basyn kýálandyratyn qujattyń skanerlengen nusqasy;
- joǵary bilimi týraly dıplomnyń qosymshasymen birge (magıstratýraǵa túsý úshin), joǵary oqý ornynan keıingi bilim týraly dıplomnyń qosymshasymen birge (doktorantýraǵa túsý úshin) skanerlengen nusqasy.
- memlekettik tildi bilý deńgeıin rastaıtyn sertıfıkattardyń biri - QAZAQ RESMI TEST (https://www.qrt.kz) nemese QAZTEST (http://kazakhtest.kz) V1 deńgeıinen tómen emes, bul tarmaqtyń shetel azamattaryna qatysy joq.
- MIR, DIR, DPA, DE baǵdarlamalaryna halyqaralyq sertıfıkattardyń biri (IELTS, TOEFL IBT nemese TOEFL ITP, TOEIC, Duolingo English Test);
- memlekettik qyzmetshiler úshin-jumys orny boıynsha kadr qyzmetimen rastalǵan qyzmettik tizim; ózge úmitkerler úshin – eńbek qyzmetin rastaıtyn qujat;
- doktorantýra úshin - Research proposal (zertteý jumysy josparynyń jobasy) – baǵalanady;
- ótinish (ESQ qol qoıylǵan).
Aıgerim Abılova qabyldaý naýqanynyń negizgi kúnderine egjeı-tegjeıli toqtaldy.
Ótinimderdi qabyldaý prosesi 3 aıǵa sozylady, ıaǵnı 1 sáýirden 26 maýsymǵa deıin jalǵasady. Qujattar Akademıanyń admission.apa.kz aqparattyq platformasynda onlaın formatta qabyldanady.
İrikteýdiń alǵashqy kezeńi – Analıtıkalyq esse jazý 29 maýsymda naqty ýaqyt rejıminde ótedi.
Doktorantýraǵa úmitkerler zertteý jumysynyń josparyn (Research proposal) 26 maýsymǵa deıin júkteýi kerek, josparlar 7 shildege deıin baǵalanady.
Qorytyndy kezeń – Suhbat – 1-20 shilde aralyǵynda Akademıa qabyrǵasynda oflaın formatta ótedi.
«22 shilde kúni aralyq qorytyndyny shyǵaramyz. Aldyn ala qabyldanǵandardyń tizimi jarıalanady, al 5 tamyzda kelisimsharttarǵa qol qoıylǵannan keıin oqýǵa qabyldaý týraly buıryq shyǵarylady», - dep naqtylady A.Abılova.
Sondaı-aq, 1-30 qarasha aralyǵynda modýldik magıstratýraǵa qosymsha qujattar qabyldaýdy josparlanyp otyrǵanyn aıtty.