Jaz basynda Almatyda Naýryzbaı aýdanyndaǵy Inovasıalyq shyǵarmashylyq ortalyǵy ashyldy. Almaty qalasy bilim basqarmasynyń basshysy Lázzat Jylqybaeva RSK brıfıńinde sóılegen sózinde ortalyqtyń jobalyq qýattylyǵy aptasyna 5000 oryn dep atap ótti, dep habarlaıdy Almaty-akshamy.kz.
Oqý jyly bastalǵanǵa deıin osyǵan uqsas aptasyna 5000 balany qamtıtyn ortalyqtyń ashylýy Alataý aýdanynda da josparlanǵan.
“Bul qala ákimdiginiń bizdiń balalarǵa degen úlken nazary bolyp tabylatyn biregeı joba. Aldaǵy ýaqytta biz bul ortalyqtyń múmkindikterin paıdalanyp, qalamyzdyń qosymsha bilim salasyndaǵy eń úzdik mamandardy barynsha tartyp, kreatıvti ıdeıalar alańyna aınaldyrýymyz kerek”, - dep bólisti L.Jylqybaeva.
Sonymen qatar, qadamdyq qoljetimdilikti qamtamasyz etý sheńberinde 30-shy jyldary Túrksib jáne Bostandyq aýdandarynda salynǵan eki oqýshylar úıin buzý jáne olardyń ornyna kúnine 800 kelýshige deıin qýaty bar zamanaýı damý jáne shyǵarmashylyq ortalyqtaryn salý josparlanýda. Búgingi tańda jobalar daıyn, qurylys-montaj jumystary 2024 jyly bastalady.
2025 jylǵa deıin qajettilik bar aýdandarda halyqaralyq standarttarǵa sáıkes keletin qosymsha bilim berýdiń taǵy 3 zamanaýı ortalyǵyn salý josparlanyp otyr.
“Jalpy, 2025 jyldyń sońyna qaraı qabyldanyp jatqan sharalar esebinen tegin qosymsha bilimmen qamtýdyń ósýi 25% - ǵa deıin ulǵaıtylatyn bolady. Osylaısha, biz tegin úıirmelerge qatysatyn balalardyń sanyn 60 000-ǵa deıin arttyrýdy josparlap otyrmyz. Ákimdiktiń qoldaýymen biz tehnıkalyq jáne kásiptik bilimi bar kadrlardy daıarlaýǵa úlken basymdyq beremiz”, - dep atap ótti spıker.