Qala jastaryn jumysqa ornalastyrý úshin Almaly aýdanynda Mansap kúni ótti
Almaty qalasynyń Almaly aýdanynda joǵary oqý oryndary men kolejderdiń túlekterin, sondaı-aq qalanyń jumyssyz jastaryn jumysqa ornalastyrýǵa baǵyttalǵan Almaly Career Day mansap kúni ótti.
İs-sharany Almaty qalasy Jastar saıasaty basqarmasy uıymdastyryp, qalanyń ár aýdanynda 8 Mansap kúnin ótkizedi.
İs-sharaǵa Almaly Aýdany ákimi Shamshın Arman Nurjanuly jáne Jastar saıasaty basqarmasynyń basshysy Mendiǵalıev Qaıyrjan Ermekuly qatysty.
«Búginde aýdanda 14 pen 35 jas aralyǵyndaǵy 83 myńnan astam (83407) jas turady, onyń ishinde NEET jastarynyń úlesi 4,7 myń (5,6%) quraıdy. Jastardy jumyspen qamtý – olardyń eńbek naryǵyna tabysty ıntegrasıalanýyn jáne óńirdiń áleýmettik damýyn qamtamasyz etý jolyndaǵy biz úshin mańyzdy taqyryp. Mundaı is-sharalardy ótkizý jastardy qoldaý jáne NEET sanatyndaǵy jastardy azaıtýdaǵy mańyzdy qadam bolyp tabylady», - dedi Almaly aýdanynyń ákimi Arman Shamshın.
İs-sharaǵa 70-ten astam (AO «BI Group», AO «ForteBank», AO «Kaspi Bank», AO Bank Sentr Kredıt, AO «Kazpochta» ı t.s.s.) IT, qarjy, bilim berý jáne t.b ártúrli saladaǵy jetekshi kompanıalar jáne 2 myńnan astam jastar qatysty. Qatysýshylar arasynda bos jumys oryndaryn usynýǵa daıyn iri korporasıalar da, perspektıvaly startaptar da boldy.
«Jastardy jumyspen qamtý úshin Qalalyq mansap ortalyǵy ashylyp, ózekti mamandyqtar boıynsha qysqa merzimdi kýrstar bastaldy. «Jas Almaty» mobıldi qosymshasy iske qosyldy. Sonymen qatar, qalamyzdyń ár aýdanynda 8 komúnıtı-ortalyq ashyldy. Ár ortalyqta jumysqa ornalastyrý boıynsha konsýltanttar kómek kórsetedi. Dál osyndaı Mansap kúnder ár aýdanda ótkizý josparlanýda. Kelesi Mansap kúni 10 mamyrda Medeý aýdanynda «Kók bazar» saýda aýmaǵynda ótedi», - dedi Jastar saıasaty basqarmasynyń basshysy Qaıyrjan Meńdiǵalıev.
Aıta keteıik, Mansap kúnderi - bul úzdik kompanıalar ózderiniń bos jumys oryndary men daryndy mamandar úshin múmkindikterin usynatyn alań. Aıdyń soǵyna deıin osyndaı bos oryndar jármeńkesi qalamyzdyń barlyq aýdandarynda ótedi.