Osy maqsatta sút ónimderin sıfrlyq tańbalaý boıynsha pılottyq joba iske asyryla bastady.
Qazaqstan úkimeti sút salasyndaǵy sapasyz ónimdermen kúres jumysyn bastamaq, dep habarlaıdy Almaty-akshamy.kz.
Mamandardyń aıtýynsha, bul kúrestiń negizgi quralyna sıfrlyq tańbalaý jatady. Qazaqstanda sút ónimderin mindetti sıfrlyq tańbalaýdy engizý 2022 jylǵa josparlanyp otyr. Sút salasyndaǵy kóleńkeli aınalym 13% - dy quraıdy, bul Qazaqstanda satylatyn árbir segizinshi sút ónimi tutynýshynyń densaýlyǵy úshin qaýip tóndiretinin bildiredi.
«Birinshiden, Data Matrix kody merzimi ótken taýarlardyń kasalyq shyǵarylymyn bloktaıdy, dúkender men dıstrıbútorlar sıfrlyq kodtaǵy jaramdylyq merzimi týraly aqparatty ózgerte almaıdy. Ekinshiden, tańbalanǵan ónimdi satyp alýshy Naqty Onim mobıldi qosymshasynyń kómegimen óndirýshige jáne memlekettik organdarǵa buzýshylyqtar týraly sıgnal bere alady. Úshinshiden, krıpto-qorǵanys jáne sıfrlyq kodty qoldan jasaı almaý ónimniń ózin de jalǵan jasaýǵa múmkindik bermeıdi. Bul sharalar naryqty «aǵartýǵa» jáne qazaqstandyq tutynýshyny sapasyz ónimderden qorǵaýǵa kómektesedi», – delingen Qazaqstan Respýblıkasy Aýyl sharýashylyǵy mınıstrliginiń baspasóz qyzmetiniń habarlamasynda.
Sonymen qatar, mamandardyń aıtýynsha,tańbalaý prosesi taýarlardy óndirýshiden sońǵy tutynýshyǵa deıin baqylaýdy arttyrady, óıtkeni ónimniń barlyq logıstıkasy tańbalaý júıesinde kórinedi. Júıe ár qaptama úshin Data Matrix kodyn jasaıdy.
Bul rette ónimniń bólshek saýda baǵasynda tańbalaýǵa arnalǵan jabdyqqa óndirýshi shyǵyndarynyń úlesi 0,06-dan 0,15% - ǵa deıin quraıdy. Máselen, bir jeli úshin tańbalaý jabdyǵynyń quny kásiporynnyń kólemine jáne ónim túrlerine baılanysty 0,5-ten 9,2 mln teńgege deıin túrlenedi.
Aıta keteıik, 2021 jylǵy 1 maýsymnan bastap Reseıde jáne 8 shildeden bastap Belarýssıada sút ónimderin, atap aıtqanda balmuzdaq pen irimshikterdi mindetti sıfrlyq tańbalaý engizildi. Sondyqtan Qazaqstanda taýarlardy Data Matrix kodymen tańbalaý otandyq óndirýshilerdi qorǵaý jáne eldiń sút salasynyń básekege qabilettiligin qamtamasyz etý úshin mańyzdy faktorǵa aınalýda.