Almatyda «Qazaqstan «RTRK» AQ jańa medıa ortalyǵynyń qurylysy jalǵasýda. Búgingi tańda negizgi qurylys-montajdaý jumystarynyń 60% oryndaldy.
Qurylysty qarjylandyrý 93,3% - ǵa Almaty qalasynyń búdjeti esebinen (22,2 mlrd teńge) júrgiziledi. Qurylysty aıaqtaý 2025 jyldyń jeltoqsanyna josparlanǵan. Bul týraly qala ákimi Erbolat Dosaevtyń Memleket basshysyna 2025 jylǵy 1-30 sáýir aralyǵy kezeńindegi esebinde aıtylǵan.
Almaty qurylys basqarmasynyń aqparatyna sáıkes, bolashaq medıa ortalyq zamanaýı telestýdıalarmen, dybystyq pavılondarmen, montajdaý zaldarymen jáne iskerlik is-sharalarǵa arnalǵan keńistiktermen jaraqtandyrylatyn bolady.
Tehnıkalyq jaraqtandyrý halyqaralyq deńgeıde televızıalyq jáne kınematografıalyq kontent jasaýǵa, sondaı-aq sıfrlyq formattardy damytýǵa múmkindik beredi. Bul úzdik álemdik standarttarǵa sáıkes keletin zamanaýı, tehnologıalyq medıaortalyq bolady.