2024 jyly Almatyda konteınerlik alańdardy jańǵyrtý jáne eski metal konteınerlerdi zamanaýı plasıkalyq tereńdetilgen modelderge aýystyrý boıynsha belsendi jumystar júrgizildi.
Bul 3 m3 konteınerler otqa tózimdi jáne ylǵaldan qorǵaıtyn materıaldardyń arqasynda ornalastyrý alańyn azaıtýdy, jaǵymsyz ıister men janýarlardyń qol jetimdiligin bloktaýdy, paıdalanýdyń yńǵaılylyǵyn qamtamasyz etedi, dep habaralıdy aqshamnews.kz.
Búgingi tańda qalada 1 454 konteınerlik alań ornatylǵan, onyń 287 – i tereńdetilgen.
Ekologıalyq mádenıetti damytý maqsatynda Almatyda Ecosen jáne Ekohab Econetwork ekostansıalaryn qosa alǵanda, qaıtalama shıkizatty qabyldaýdyń 8 keshendi pýnkti jumys isteıdi. Qaldyqtardyń «qurǵaq» fraksıalaryn jınaý úshin 1300-den astam torly konteınerler ornatyldy, jyl basynan beri plasıkalyq jáne alúmını sýsyn bankalaryn qabyldaýǵa arnalǵan 53 fandomat iske qosyldy.
«Green Recycle» JSHS qoqys suryptaý kesheni jylyna 550 myń tonnaǵa deıin qaldyqtardy óńdeıdi. 2024 jyldyń 11 aıynda qaldyqtardyń 15,2% qaıta óńdeldi, bul 74 637 tonna qaıtalama shıkizatqa sáıkes keledi.
Jalpy, qala aýmaǵynda turǵyndardan QTQ jınaý jáne áketý boıynsha 100% qamtý qamtamasyz etilgen. Qaldyqtardy shyǵarý boıynsha qyzmetterdi 21 qoqys shyǵarýshy uıym usynady. Barlyǵy 283 arnaıy tehnıka jumyldyryldy.
Bul kúsh-jiger álemdik standarttarǵa sáıkes keletin qaldyqtardy basqarýdyń tıimdi júıesin qurýǵa jáne Almaty turǵyndary úshin ekologıalyq qaýipsizdikti arttyrýǵa baǵyttalǵan.