Kúdiktiniń qarýdy jasyrǵan orny tabyldy.
Almaty polıseıleri Almaly jáne Alataý aýdanynda ańshy dúkenin tonaýǵa qatysqan eki azamatty ustady, dep habarlaıdy Almaty-akshamy.kz QazAqparatqa silteme jasap.
Almaty qalalyq polısıa departamentiniń málimetinshe, 1990 jyly týǵan N. esimdi azamat qańtar oqıǵasy kezinde ańshylyq dúkennen qarý urlaǵany úshin sottaldy.
«Ol urlaǵan qarý-jaraq qoımasynyń orny qala shetindegi úıindiden anyqtaldy. Nátıjesinde 22 kalıbrli «SAVAGE» burandaly karabıni men 12 kalıbrli «ATA ARMS» tegis uńǵyly myltyǵy tárkilendi. Qylmystyń sybaılastarymen qatar basqa da qarý-jaraq jasyrylǵan oryndar bolýy múmkin ekenin joqqa shyǵarmaımyz», - Almaly aýdandyq polısıa basqarmasynyń bastyǵy Esen Ysqaqov.
Qalanyń Alataý aýdanynda ustalǵan ekinshi kúdikti ýaqytsha ustaý ızolátoryna qamaldy.
"Kúdiktiniń qarýdy jasyrǵan orny tabyldy. Qarý saraptamaǵa jiberildi. Qazir ol ustalyp, qamaýǵa alyndy", - dedi Áýezov aýdandyq polısıa basqarmasynyń bastyǵy Qumarbek Kenshinbaev.