Etsiz dastarqanyn elestete almaıtyn qazaqtardyń arasynda da vegetarıandyq saltty ustanýshylar ushyrasyp qalady.
Reseılik dıetolog Olga Chýntonova et jemeýdiń densaýlyqqa qandaı zıany bolatyn aıtty, dep habarlaıdy Almaty-akshamy.kz tilshisi.
RIA Novostıge suqbat bergen mamannyń aıtýynsha, janýarlardan alynatyn aqýyzdy (et) qabyldamaǵan kezde, adam organızmine D, B12 dárýmenderi, sondaı-aq omega-3 maı qyshqyldary, kreatın, holesterın, ıod, fosfor jáne kálsı sıaqty mańyzdy elementter jetispeıdi eken.
«Munyń bári gormonaldyq buzylystarǵa ákeledi. Shash, tyrnaq, súıek, oǵan qosa adamnyń reprodýktıvtik (balaly bolý) fýnksıasy da zardap shegedi. Janýarlar aqýyzyn qospaǵanda, anemıanyń damý qaýpi de artady. Eger janýarlardan alynatyn ónimderdi tutynbaıtyn bolsańyz, ósimdik aqýyzy amınqyshqyldarynyń quramy nemese sińimdiligi jaǵynan onyń ornyn toltyra almaıdy», - dedi sarapshy.
Maman etten bas tartqan adamdarǵa kofe men shaıdy kóp ishpeý kerektigin aıtty. Eki sýsyn da temirdiń sińýine kedergi keltirýi múmkin. Bul prosesti qalypqa keltirý úshin askorbın qyshqyly bar taǵamdardy tutyný qajet. Sondaı-aq tamaqtanýǵa baldyrlardy, chıa dánderin, jańǵaqtardy, jumyrtqa, zyǵyr tuqymdaryn qosqan jón - bul ónimder polıqanyqpaǵan maı qyshqyldarynyń tapshylyǵyn tez toltyrady.
«Sınkti jańǵaqtar men burshaq daqyldarynan, amınqyshqyldaryn sút ónimderinen alýǵa bolady. Kóknár tuqymdary, kúnjit tuqymdary, badam, jas qalaqaı jáne ıtmuryn aǵzadaǵy kálsıdiń deńgeıin arttyrýǵa kómektesedi», - deıdi dıetolog.