Almatyda qaraýsyz qalǵan mysyqtarǵa arnalǵan úıshikter ornatylýda. Qalanyń Medeý, Almaly jáne Bostandyq aýdandarynda qaraýsyz qalǵan janýarlarǵa qolaıly jaǵdaılar jasalǵan, dep habarlaıdy Almaty-akshamy.kz.
Joba «Animal Security» qoǵamdyq qorynyń bastamasymen Almaty qalasy Kásipkerlik jáne ınvestısıalar basqarmasymen birlesip «Janýarlarmen jaýapty qarym-qatynas týraly» Zańdy iske asyrý aıasynda demeýshilik qarjy esebinen iske asyrylýda.
Qaraýsyz qalǵan mysyqtarǵa arnalǵan baspana mysyqtardy kútetin, tazalyqty qamtamasyz etetin jáne dezınfeksıalaıtyn turǵyndar arasynda jaýapty kýratorlar bolǵan kezde beriledi. Búginde Almatyda qorektendirgishteri bar 20 úıshik ornatyldy, óndiriste taǵy 50-ge jýyǵy bar. Mundaı úıshikterde turatyn barlyq mysyqtar zararsyzdandyrylǵan, parazıtterden tazartylǵan, saý jáne turǵyndar úshin qaýipsiz. Ornatylǵan úıshikterdiń odan ári tazalyǵy men saqtalýyn jaqyn mańdaǵy úılerdiń turǵyndary qadaǵalaýǵa mindettenedi.
Qalanyń ár aýdanynda janýarlarǵa monıtorıńti erikti negizde zoobaqylaý uıymdarynyń ishinen kýratorlar júzege asyratyn bolady. Janýarlar kýratorlarynyń úılestirýshisi «Animal Security» QQ, onyń basshysy – Natalá Sýljık. Úıshikterdi ornatýǵa kelesi baılanystar arqyly qoǵamdyq uıymdarǵa ótinish berýge bolady:
- Medeý, Alataý jáne Jetisý aýdany: Natalá Sýljık
+7 (777) 666 25 52;
- Bostandyq aýdany: Vladımır Teplákov +7 (701) 432 36 47;
- Almaly aýdany: Irına Mıhaılova +7 (701) 711 83 81;
- Áýezov aýdany: Zınaıda Savenkova-Kýshmanova +7 (707) 267 19 57;
- Naýryzbaı aýdany: Natalá Kravsova +7 (701) 750 09 84, Alá +7 (705) 180 70 19;
- Túrksib aýdany: Vıktorıa Vorstrýhına +7 (777) 040 89 39.
Eske salsaq, Almatyda qaraýsyz qalǵan janýarlarǵa arnalǵan úıshikter ornatý boıynsha pılottyq joba alǵash ret aǵymdaǵy jyldyń naýryz aıynda bastalǵan bolatyn. Joba qala turǵyndary arasynda kóptegen oń pikirler týdyrdy. Búginde janýarlardy qorǵaý qorlaryna 500-den astam ótinim kelip tústi. Qoǵamdyq zoobaqylaý uıymdarynyń josparlaryndaǵy kelesi kezeń qaraýsyz qalǵan ıtterge arnalǵan pıtomnıkterdi ornatý jobasy bolady.