Venesıa mýnısıpalıteti shahardyń kóne bóligine jańa shekteýler qoımaq, ol kóbine týrıserge qatysty bolady, - dep habarlaıdy Almaty-akshamy.kz Tengritravel.kz-ke silteme jasap.
Jergilikti bar, kafe men meıramhanalar túngi ekide jabylýy tıis, onyń ústine 23:00-den bastap tynysh bolýy qajet: eshqandaı mýzyka qosylmaıdy jáne shara ótkizilmeıdi - ishte de, syrtta da. İshimdik satý 01:30-da toqtatylady.
Onymen qosa, balmuzdaq-kafeden ózge gastronomdyq lashyqtar 23:00-de jabylady, al asty jetkizip beretin tamaqtandyrý oryndary 20:00-de jumysyn toqtatady.
Bılik bul qadam "azamattardyń demalý quqyn qorǵaýǵa" jáne "tarıhı oryndardaǵy túngi júristen bolatyn tártipsizdikti" toqtatý úshin jasalyp otyrǵanyn aıtady.
Mundaı shekteý tóbelestiń, qoǵamǵa qaıshy áreketter men ishimdikti artyq ishý oqıǵalarynyń artýyna baılanysty engizilip otyr. Venesıada oqýdy bitirý men úılener aldyndaǵy erlerdiń toılatýy jıilep ketken, ásirese kanadalyqtar men aýstralıalyqtar arasynda kóp kezdesedi.
Qala sımvolyna aınalǵan gondolerler suranysy boıynsha mýnısıpalıtet 2020 jyly qaıyqqa otyratyn adam sanyn shektegen: kanaldarmen klasıkalyq týr úshin bortqa alty adam ornyna tek beseý otyratyn edi. Pandemıa kezinde venesıalyqtar týrıserdi bul shekteýge kóz juma qaraıtyn, alaıda 2023 ol qaıta eske tústi. Qazirgi kezde qaıyqshylar bortqa artyq oryn bolsa da, jasóspirimder men balalardy da almaıtyn bolypty.