Qazaqstan Respýblıkasynyń aýmaǵynda 6 jyl tirkeýsiz júrgen sheteldik azamat ustaldy, – dep habarlaıdy Almaty-akshamy.kz.
Polisia.kz málimeti boıynsha, jyl basynan beri kóliktegi polısıasy departamentiniń qyzmetkerleri QR kóshi-qon zańnamasyn buzǵany úshin 3 qylmystyq is qozǵady, onyń ishinde ekeýi memlekettik shekarany zańsyz kesip ótkeni úshin jáne bireýi zańsyz kóshi-qondy uıymdastyrǵany úshin. Sondaı-aq 943 sheteldik ákimshilik jaýapkershilikke tartyldy. Bul týraly kóliktegi PD bastyǵynyń mindetin atqarýshy Madıar Aıtýǵanov aıtty.
Onyń aıtýynsha, 2 tamyzda Túrksib stansıasyndaǵy jelilik polısıa bóliminiń kólik polıseıleri “Áskerılendirilgen temirjol kúzeti” JSHS qyzmetkerlerimen birlesip, Ózbekstan Respýblıkasynyń 41 jastaǵy azamatyn anyqtap, ustady. Ol taýar vagony arqyly Almaty qalasyna deıin jetpekshi bolǵan. Tekserý kezinde sheteldik azamattyń Qazaqstan Respýblıkasynyń aýmaǵynda 6 jyl boıy tirkeýsiz júrgendigi anyqtaldy.
– Quqyq buzýshyǵa qatysty QR ÁQBtK-niń 560-babynyń 1-bóligi (Júk poıyzdarynda zańsyz júrip-turý), 559-babynyń 5-bóligi (Belgilenbegen jerlerde temirjol arqyly ótý) jáne 517-baptyń 4-bóligi (Sheteldiktiń nemese azamattyǵy joq adamnyń QR Halyqtyń kóshi-qony salasyndaǵy zańnamasyn buzýy) boıynsha birden úsh ákimshilik hattama toltyrylyp, T.Rysqulov atyndaǵy aýdannyń sotyna jiberildi. Sot sheshimimen sheteldik quqyq buzýshyǵa ákimshilik jolmen Qazaqstan Respýblıkasynan tysqary jerge shyǵaryp jibere otyryp, QR aýmaǵyna 5 jylǵa kirýge tyıym salyndy, – dedi M.Aıtýǵanov.