Qylmystyń barlyq mán-jaılary muqıat zerdelenedi
Almatyda qańtar oqıǵasyna qatysqan 331 adam túrli merzimge sottaldy. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy Almaty-akshamy.kz QazAqparat-qa silteme jasap.
«Qańtar oqıǵalaryna baılanysty elimiz boıynsha barlyǵy 5 065 sotqa deıingi tergep-tekserý tirkelgen. 514 kúdikti adam sot sanksıasymen qamaýda. Eger adamdar anyqtalsa, qajetti tergeý áreketteri júrgizilgennen keıin nemese prosestik kelisim jasalǵannan soń ister birden sotqa joldanýda. Búgingi kúni 337 qylmystyq is sotqa joldanyp, olardan 331 adam túrli jazalarǵa sottaldy», - dedi ol Ortalyq komýnıkasıalar qyzmetindegi brıfıń barysynda
Onyń aıtýynsha, sotpen prosestik kelisim negizinde túsken jappaı tártipsizdikterge qatysý boıynsha qylmystyq isterdi qaraý nátıjelerimen 14 adam bas bostandyǵynan aıyrýǵa baılanysty emes jazalarǵa sottaldy.
«Zań boıynsha atalǵan sanattaǵy ister on táýlikten aspaıtyn merzimde qaralady. Qalǵan qylmystyq ister sottarmen orta eseppen 2 aıǵa deıin qaralady. Bul is boıynsha sot tergeýiniń júrgizilýimen, qylmystyq prosestik barlyq taraptaryn tyńdaý jáne olardyń ýájderin qaraý qajettiligimen túsindiriledi. Sottarmen jasalǵan qylmystyń barlyq mán-jaılary muqıat zerdelenedi. Bul prosedýralardyń barlyǵy ádil sot aktisin shyǵarý úshin qajet», - dedi Eldos Qılymjanov.