QR Úkimetiniń Qaýlysymen Eldar Shámiluly Qazǵanbaev QR qarjy vıse-mınıstri qyzmetine taǵaıyndaldy, dep habarlaıdy Almaty-akshamy.kz Premer-Mınıstrdiń resmı saıtyna silteme jasap.
Eldar Qazǵanbaev 1979 jyly Almaty qalasynda dúnıege kelgen. Abaı atyndaǵy Almaty memlekettik ýnıversıtetin, Qarjy akademıasyn támamdaǵan. Eńbek jolyn 2001 jyly komersıalyq bankte ákimshilik departamentiniń personalmen jumys jónindegi basqarmasynda taǵylymger retinde bastady. 2001-2006 jyldary bank sektorynda jumys istedi. 2006-2007 jyldary — «Qazaqstannyń Damý Banki» AQ jobalardy qaraý basqarmasynyń bas menedjeri, basqarýshy dırektor keńsesiniń front-menedjeri. 2008-2010 jyldary — «Aýyl sharýashylyǵyn qarjylaı qoldaý qory» AQ basqarýshy dırektory. 2011-2018 jyldary — Aqparattyq-esepteý ortalyǵy dırektorynyń orynbasary, dırektory. 2018 jylǵy qazan aıynan bastap «Elektrondyq qarjy ortalyǵy» AQ basqarma tóraǵasy qyzmetin atqardy.
Qarjy vıse-mınıstri taǵaıyndaldy
- Avtor Almaty-akshamy
- 13:41, 01 maýsym 2022
Cýret: Primeminister.kz