Baıqaýǵa 11 áje qatysty
Almatyda aq jaýlyqty ájeler besik jyryn aıtýdan synǵa tústi. Balalardy qorǵaý kúni merekesi aıasynda ótkizilgen is-shara qazaqtyń ádet-ǵuryptaryn dáripteıdi, dep habarlaıdy Almaty-akshamy.kz Almaty.tv-ge silteme jasap.
Baıqaýǵa 11 áje qatysty. Úzdik dep tanylǵandar Medeý aýdany ákimdiginiń alǵys hatymen jáne baǵaly syılyqtarmen marapattaldy.
«Búgin– balalardy qorǵaý kúni. Balanyń erteńine úmitpen qaraıtyn ulttyń urpaǵymyz ǵoı. İs-sharanyń mańyzy zor», – dedi QR Bilim berý isiniń úzdigi Jaqsygúl Qaljanova.
«Qazirgi jas kelinshekter arasynda besik jyryn aıtatyndar azaıyp ketti. Balam jaqsy qazaqy tárbıemen óssin degen analar ony umytpaǵany jón. Búgingi balalar qorǵaý kúni qutty bolsyn. Qazaqtyń dańqyn kóteretin sábıler endi keledi degen armanymyz bar», – dedi balalar jazýshysy Márkıza Bazarbaeva.