Apatty aǵashtar zıankesterdiń oshaǵy bolyp tabylady, dep habarlaıdy Almaty-akshamy.kz
Aǵashtardy kesý aldynda mamandar muqıat zertteıdi.
Qýraǵan aǵashtar ǵana apatty jaǵdaıda emes. İshki ózegi zaqymdanǵan aǵashty kózben anyqtaý múmkin emes. Sondyqtan, Qazaq ósimdik qorǵaý ǴZI dekoratıvti ósimdikterdi bıologıalyq qorǵaý bóliminiń meńgerýshisi Nurjan Muhamadıevtiń aıtýynsha, bul úshin arnaıy qurylǵy bar. Onyń kómegimen siz aǵashtyń dińin burǵylap, shiriktiń bar-joǵyn bile alasyz.
«Bizdiń qaladaǵy kóptegen aǵash eski, sondyqtan jasyl qordy únemi jańartyp otyrý kerek. Aýa-raıynyń qolaısyzdyǵy kezinde apatty aǵash qulap, qorshaǵan ortaǵa jáne adamdarǵa zıan keltirýi múmkin», – dedi Nurjan Muhamadıev.
Apatty aǵashtar zıankesterdiń oshaǵy bolyp tabylady. Shirigen aǵashqa parazıtter, jándikter úıir, bul basqa jasyl jelekti zaqymdaýy múmkin.
«Burǵylaýdan keıin biz aǵashtan bakterıologıalyq egis alyp, zertteýden keıin qorytyndy shyǵaramyz. Jyl saıyn shamamen 200-300 jasyl jelekti tekseremiz. Resmı statısıka boıynsha Almatyda 84 myń apatty aǵash bar, buǵan qosa, birneshe jyldan keıin apatty aǵashtar qataryna qosylatyn aýrý aǵashtar da bar», – dedi ǵalym.