Sarapshy Almatyda apatty aǵashtardyń qalaı anyqtalatyny týraly aıtyp berdi, dep habarlaıdy Almaty-akshamy.kz
Almatyda apatty aǵashtar kezeń-kezeńimen kesilýde. Apatty aǵashtardy muqıat zertteý úshin Almaty qalasynyń ekologıa jáne qorshaǵan orta basqarmasy quramyna ekologtar, bıologtar, eko-belsendiler engen «Jasyl komısıa» qurdy. Olar jergilikti basqarý organdaryna apatty aǵashtardyń tizimin jasaýǵa kómektesedi ári jumystaryn kópshiliktiń habardar bolýy úshin ashyq júrgizedi. Almaly aýdanyndaǵy «Jasyl komısıanyń» basshysy Omar Nurhaıdarov bul qyzmettiń megapolıstegi ekologıalyq jaǵdaıdy jaqsartýǵa baǵyttalǵanyn atap ótti.
«Adamdar bizdiń apatty aǵashtar tizimin jasaýda neni negizge alatynymyzdy, jasyl japyraqty aǵashtyń qalaı apatty bolyp tabylatyny jáne basqa da ózderin tolǵandyrǵan máseleler boıynsha túrli saýaldardy jıi qoıady. Túbi shirigen aǵash úıg, balalar alańyna, mashınaǵa qulaýy ábden múmkin ǵoı. Sondyqtan biz ony túbirimen alyp tastaý qajet ekenin turǵyndarǵa túsindiremiz»-, dedi qoǵam qaıratkeri.
Onyń aıtýynsha, «Jasyl komısıa» merdigerlik uıymdardy da baqylaıtyn bolady. Óıtkeni, jumysshylar kóbinese ınjenerlik komýnıkasıalardy jóndeý barysynda aǵashtarǵa zıan keltirip, tamyrlaryn zaqymdaýy múmkin.Sonyń saldarynan aǵash qulaýy múmkin. Komısıa músheleri merdigerlerge aǵashqa zıan keltirmeý úshin tamyrlardy qalaı qazý kerektigin aıtady.
«Almaly aýdanynda barlyǵy 2200 aǵash kesý josparlanǵan. Biz jasyl jelekterdi ózimiz zertteımiz ári arnaıy baryp kóremiz. Qajet bolǵan jaǵdaıda QazǴZI qyzmetkerlerin tartamyz», - dep túsindirdi Omar Nurhaıdarov.