QR İİM Maqan Esbolatov atyndaǵy Almaty akademıasy talapkerler úshin óz esigin ashty.
Azdaǵan úzilisten keıin İİM Almaty akademıasy Qazaqstan polısıa qatarynda turyp, Otanyna adal qyzmet etý jolyn tańdaǵan kýrsanttardy daıarlap shyǵaratyn bolady. 17 shildeden bastap talapkerlerdi qabyldaý kampanıasy iske qosyldy, onda Qazaqstannyń ár óńirinen kelgen eń laıyqty abıtýrıentter qatysýda, dep habarlaıdy Almaty-akshamy.kz Polisia.kz-ke silteme jasap.
İİM Almaty akademıasyna oqýǵa túsýge tańdaý jasaǵan er jigitter men qyzdar synaqtar men normatıvterdi tapsyrýdy bastap ketti. Talapkerler dene shynyqtyrý daıyndyǵy men medısınalyq kórsetkishteri boıynsha tekserýden ótip jatyr. Sońǵy kezeńde UBT baldary men synaqtar nátıjeleri negizinde irikteý ótkiziledi.
İİM Almaty akademıasynda atap ótkenindeı, bıyl vedomstvalyq joǵary oqý oryndarynyń ishinde Almaty akademıasy alǵash ret talapkerlerdi qabyldaýdy jańa formatta ótkizip otyr. Qabyldaý týysqandardyń tikeleı qatysýymen jáne táýelsiz sarapshylardyń jumyldyrylýymen júrgizilýde. Sonymen birge talapkerlerge joǵary dárejede barlyq jaǵdaılar jasaldy. Máselen, mamandandyrylǵan “Dınamo” alańy sońǵy talaptar boıynsha jabdyqtaldy – júgirý jolaqtardyń sapasy kandıdattardyń normatıvterdi tapsyrýda jaqsy kórsetkishterge ıe bolýlaryna oń áserin beredi.
Talapkerlerdi tirkeý kúni İİM Almaty akademıasynyń bastyǵy Aıdar Saıtbekov ata-analarmen kezdesý ótkizdi. Dıalog konstrýktıvti ótti. Vedomstva basshysy jınalǵan qaýymnyń barlyq suraqtaryna jaýap berdi. Onyń aıtýynsha, kýrsanttardy irikteý boıynsha kampanıa ashyq, obektıvti jáne tolyǵymen jemqorlyq áreketterine jol berilmeýimen qoǵamnyń baqylaýynda ótedi.