Olar buryn sotty bolǵan.
Eki almatylyq qyz qalta urlyǵymen aınalysqan, dep habarlaıdy Almaty-akshamy.kz Polisia.kz-ke silteme jasap.
Medeý aýdandyq polısıa qyzmetkerleri jeńil jolmen aqsha tabatyndardy ustady. Olar buryn sotty bolǵan.
«Aýdanymyzdaǵy bazarlardyń birinde qalta urlyǵyn jasaǵan 28 jastaǵy F. esimdi azamatsha jáne 25 jastaǵy B. esimdi azamatsha ustaldy. Olar jas qyzdyń qaltasynan iPhone 13 uıaly telefonyn shyǵaryp alǵan. Jedel izdestirý is-sharalarynyń nátıjesinde kúdiktiler ustaldy. Tergeýdiń osy kezeńinde olardyń qalta urlyǵynyń eki deregine qatystylyǵy anyqtaldy. Qazirgi ýaqytta kúdiktilerdiń jeke basy qalanyń basqa da aýdandarynda osyǵan uqsas qylmystarǵa qatysy bar-joǵyna tekserilip jatyr. Sonymen qatar qalanyń beınebaqylaý júıeleriniń múmkindikteri belsendi túrde paıdalanylyp jatyr», – deıdi Medeý aýdandyq polısıa basqarmasynyń bastyǵy İlıas Ómirserikov.