Almaty haıýanattar baǵyndaǵy ıagýarlar egiz tól tapty

Ana ıagýar men tólderdiń jaǵdaıy jaqsy.

Jańa jyl qarsańynda Almatydaǵy haıýanattar parki qýanyshty jańalyǵymen bólisti. Mekemeniń qamqorlyǵyndaǵy ıagýarlar juby egiz tóldegen, dep habarlaıdy Almaty-akshamy.kz. 

Vasek pen Momyn dep atalatyn ıagýarlardan týǵan tólderge Mıka jáne Mádı degen ataýlar tańylǵan. Olardyń biri - erkek, biri - urǵashy.

«Olar 9 shildede týǵan, biraq biz qazir ǵana aıtyp otyrmyz, óıtkeni óte yrymshylmyz jáne tólderdiń ósýin kúttik. Mıka ákesine uqsaıdy, terisiniń túsi qara, al Mádı anasy sıaqty, terisi teńbil. Biraq Mıkanyń minezi anasyna tartqan, óte meıirimdi, al Mádı anasyna uqsasa da, ákesi Vasek sıaqty shapshań ári buzyq», - dep jazdy zooparkten.

Mamandardyń málimetinshe, jalpy, ana ıagýar men tólderdiń jaǵdaıy jaqsy. Kez kelgen úı marǵaýlary sıaqty, Mádı men Mıka da bir-birimen nemese anasynyń quıryǵymen oınaǵandy unatady.

Bul janýarlar Ońtústik Amerıkanyń jyly elderinen ákelingen. Olar qysta «Jyrtqysh sútqorektiler» pavılonynda turady.

Posmotret etý pýblıkasıý v Instagram

Pýblıkasıa ot Almatınskıı̆ zoopark (@almatyzoo)