21 tamyzdan bastap №24 jáne №125 marshrýttardyń jyljymaly quramy jańartylady.
Buǵan deıin №24 marshrýtta 6 dızeldi avtobýs jumys istegen. Onyń ornyna endi 12 jańa gazben júretin avtobýs qyzmet etedi. Jolaýshylardyń suranysy boıynsha bul baǵyt uzartyldy, dep habarlaıdy Almaty-akshamy.kz.
Endigi baǵyt: Saıyn - Momyshuly - Tóle bı - Rozybakıev - Ójet yqsham aýdanyna deıin Soltústik aınalma kóshesimen júretin bolady. Aldyńǵy marshrýt ÚAK boıymen júretin. Jańartýdan keıin qozǵalys jıiligi 20 mınýttyń ornyna 12-13 mınýt bolady.
Sonymen qatar, №125 marshrýttyń jyljymaly quramy tolyǵymen jańartylady, onda buryn 6-7 dızeldi avtobýs júrgen bolatyn. 21 tamyzdan bastap osy baǵytta 10 jańa gazben júretin avtobýs shyǵarylady. Buǵan deıin atalǵan marshrýttyń jıiligi 40 mınýtqa deıin uzarǵan, jańa avtobýstar shyqqannan bastap júrý jıiligi 15-18 mınýtqa deıin tómendeıdi dep kútilýde.
Barlyq jańa avtobýs ortasha syıymdylyqta, on metrlik, edeni tómen, múmkindigi shekteýli jolaýshylarǵa jaǵdaılar qarastyrylǵan. Salqyndatý júıesimen jáne peshpen jabdyqtalǵan.
Esterińizge sala keteıik, Almatyda bıyl komýnaldyq avtopark 600 gaz avtobýsy men 100 troleıbýs satyp alýdy josparǵa engizgen. 100 avtobýs qalaǵa keldi jáne qujattar resimdelgenine qaraı jelige shyǵarylyp jatyr. Qalǵan avtobýstardy jyl sońyna deıin qalaǵa jetkizý kózdelgen.
Qalalyq marshrýttar týraly sońǵy jańalyqtar qala ákimdiginiń resmı paraqshalarynda jáne Almaty-jol telegram arnasynda jazylǵan (https://t.me/AlmatyJoly).