24 tamyz Almatynyń barlyq 8 aýdanynda shet tilderin tegin oqytý boıynsha «Tilder saıabaǵy» jumysyn bastaıdy. Sabaqtar Almaty qalasynyń ákimdigimen, aýdan ákimdikterimen, belsendilermen jáne eriktilermen birlesip uıymdastyryldy.
2023 jyly «Tilder saıabaǵy» jobasy aıasynda qalanyń 5000-nan astam turǵyny 15-ten astam shet tilin tańdaı otyryp, ártúrli jerlerde oqytý josparlanǵan, dep habarlaıdy Almaty-akshamy.kz.
Saıabaqtarda shet tilderin úırenýmen qatar, qalanyń barlyq turǵyny qazaq tilin úırenýge múmkindik alady.
«Tilder saıabaǵy» - bul qalalyq áleýmettik joba, onyń aıasynda qala saıabaqtary bazasynda beıresmı túrde shet tilderin oqytý boıynsha tegin sabaqtar ótkiziledi. Sabaqtar taza aýada ótedi, oǵan qala turǵyndary qatysa alady. Kýrstar jazǵy kezeńde, aptasyna 3 ret 1 aı ishinde ótedi.
Tilder parki bazasynda 8 til boıynsha tegin sabaqtar ótkizildi. Kýrstardy aıaqtaǵannan keıin barlyq belsendi qatysýshyǵa tilderdi bilý deńgeıiniń kórsetkishimen kýrstardan ótkeni týraly sertıfıkattar beriledi.
Qatysýshylardyń jas sanaty 6 jastan 60 jasqa deıin. Jobany iske asyrýdyń 6 jylynda QR-kodty qoldana otyryp, aǵylshyn tilin oqytýǵa arnalǵan «EZ OQU» ınovasıalyq kitaby shyqty. Osy kitaptyń kómegimen muǵalimderdiń kómeginsiz aǵylshyn tilin óz betińizshe oqı alasyz. Búgingi tańda tilder saıabaǵy bazasynda 10 000-nan astam adam oqytyldy.
Tilder saıabaǵynyń ótetin oryndary:
1. Medeý aýdany - Ortalyq mádenıet jáne demalys saıabaǵy
2. Alataý aýdany - Atletıkalyq aýyldaǵy kógal
3. Naýryzbaı aýdany - Naýryzbaı aýdany ákimdiginiń aldyndaǵy kógal
4. Almaly aýdany - M.Maqataev alańy
5. Túrksib aýdany - Túrksib aýdany Oqýshylar saraıy janyndaǵy alań
6. Bostandyq aýdany - Dostyq saıabaǵy
7. Jetisý aýdany - Aınabulaq-1 jańa saıabaǵy
8. Áýezov aýdany - Sas teatry artyndaǵy amfıteatry bar alań
TİRKELÝ MİNDETTİ!
Ótetin kúni men orny: 24 tamyz, saǵat 17:00-den 18:00-ge deıin, Almaly jáne Naýryzbaı aýdandary
Baılanys nómiri: Saparova Dınara, jastar saıasaty basqarmasynyń PR jónindegi keńesshisi, +7 (705) 705 6221