Keshe Almatyda qala kúnine oraı mýzykalyq festıvál ótti, dep habarlaıdy Almaty-akshamy.kz.
Almaty qalasy túrli merekelik sharalardyń ortalyǵyna aınaldy, qala turǵyndary men qonaqtary túrli kórmeler men jármeńkelermen tanysyp qana qoımaı,Gakku Dauysy 2022 festıvalin de tamashalady.
Konserttiń keshke bastalatynyna qaramastan halyq eki saǵat buryn alańǵa jınalyp, toı dýmandy asyǵa kútti. Kirý tegin bolǵandyqtan, kópshiligi qazaqstandyq juldyzdardyń ónerin tamashalýǵa aldyńǵy qatarlardan oryn alýǵa tyrysty. Gakku Dauysy 2022 festıvali osymen toǵyz jyl qatarynan ótkizilýde. Atalmysh sharanyń basty ereksheligi – jandy daýys.
Bir sahnada aǵa býyn óner juldyzdary men jastar birge óner kórsetti. Konsertti etno-folklorlyq HasSak toby ashty. Kórermender keremet dýmandy keshti tamashalap, túrli kollaborasıalardy kórdi. Shaqyrylǵan artıser qatarynda Aıqyn, Dıas Ablaev, Madı Rymbaev, Ninety one, Aıdana Medenova, M’dee, Darkhan Juzz, Colorit, Arshat, Akim, Mona Songz, Qanay, Kalifarniya, Mofashi,Amre, NKI, Ayree boldy. Bıyl óner jolyndaǵy mansabynyń on jyldyǵyn toılaıtyn Alı Okapov, shoý-popýrrı daıyndady. Al Jah Khalib festıvaldiń basty hedlaıneri atandy.
Merekelik sharanyń taǵy bir ereksheligi, konsert júrgizýshileri sahnada kórermendermen birge Gennadıı Golovkındi Kanelomen jekpe-jegine qoldaý vıdeosyn túsirdi.
- Gakku festıvalen jyl sany tamashalaımyz, ár jyly túrli artıser óner kórsetedi. Osyndaı merekelik kóńil kúı syılaǵan uıymdastyrýshylarǵa alǵysymyz zor, - dedi qala turǵyny Damelıa.
Kórermender arasynda basqa qalalardan oqýǵa endi qabyldanǵan birinshi kýrs stýdentterin baıqaýǵa bolady. Olar úshin bul esten ketpes mereke bolǵany anyq.
- Mundaı aýqymdy sharaǵa birinshi ret qatysyp otyrmyn. Adam kóp, merekelik atmosfera, keremet kóńil kúı, jandy daýysta artıserdi tyńdaýdyń ózi keremet, - dep kórermenderdiń bireýi aǵynan jaryldy.